Hvað er að Veðurstofunni?

Enn kemur ekkert yfirlit frá Veðurstofunni á vef hennar um næturveðrið, sem kom alltaf eftir klukkan níu og um dagsveðrið, sem kom alltaf eftir klukkan átján. Þetta hvarf af vefnum fyrr viku síðan.

Ekki kemur neitt svona í sjónvarpsveðurfréttunum.

Þessar upplýsingar eru því HVERGI landsmönnum aðgengilegar nema hvað sagt er frá þessu í morgunveðurfréttum klukkan tíu í Ríkisútvarpinu fyrir næturveðrið. ''Veðrið klukkan átján'' var hins vegar lagt niður í Ríkisútvarpinu fyrir nokkrum árum með þeim rökum að nú væru allar upplýsingar að koma á netið, rétt eins og allir hafi aðgang að netinu eða menn geti ekki hæglega komist í þær aðstæður, til dæmis á ferðalögum, að komast ekki á netið þó þeir hafi útvarp.

Það ætti auðvitað aftur að lesa veðrið klukkan 18 í útvarpið.

Og svo ætti Veðurstofan að sjá sóma sinn í því að gefa landsmönnum kost á vönduðu uppgjöri um nætur og dagsveðrið á netinu eins og hefur verið í einhverju formi, í útvarpi, sjónvarpi og á netinu,  eins lengi og nokkur maður man.

Hvað eru þeir eiginlega að hugsa á Veðurstofunni?  

 

Athugasemdir

[Vilhjálmur Örn Vilhjálmsson, 11.9.2009 kl. 11:53]

Hefur þú heyrt um vindrof? Ég held að þetta sé einhvers konar uppblástur.

[Sigurður Þór Guðjónsson, 11.9.2009 kl. 12:08]

Já og ég hef líka heyrt um siðrof! Það er þegar hirðuleysi og kæruleysi tekur völdin.

[Haraldur Aðalbjörn Haraldsson (IP-tala skráð) 11.9.2009 kl. 15:11]

Sigurður, hefur þú trú á að þetta trufli svefn landsmanna?Ég sef allavega rólegur.

[Sigurður Þór Guðjónsson, 11.9.2009 kl. 19:04]

Þú hefur greinilega ekki áhuga fyrir svona Haraldur en Veðurstofan er nú einu sinni stofnun sem á að veita upplýsingar um veður. Athugasemd þín er bara merkingarlaust yfirlæti. 

[Vilhjálmur Örn Vilhjálmsson, 12.9.2009 kl. 13:24]

Þá fer ég bara aftur að sofa...zzzzzz

[Sigurður Þór Guðjónsson, 12.9.2009 kl. 14:24]

Vilhjálmur Örn:

Vakna, Síons verðir kalla
ó, vakna, hljómar röddin snjalla,
þú Jerúsalem, borg Guðs, brátt.
Hyggin vert og hugsa eigi,
að hér til hvíldar bjóða megi,
þótt yfir standi aldimm nátt.

[Vilhjálmur Örn Vilhjálmsson, 12.9.2009 kl. 15:49]

U, a, úff, kallar þú Drottinn, herra? Ég er ekki á vakt!

kveðja,  

Erkigabríel