Hringdur inn dómsdagur

Öllum kirkjuklukkum hringt í heiminum til að minna á loftslagsmálin.

Þetta er nú meiri þvælan. Hver ákveður svona? Er enginn kirkja sem er sjálfstæð og neitar þessu? Leggjast þær allar hundflatar fyrir stjórnvöldum?

Hörmulegt var að heyra samtal við sóknarprest á Ísafirði i hádegisfréttum RÚV í gær. Hann talaði um spámenn gamla testamentisins og Nóaflóðið.

Þurfa loftslagsmálin á þessari froðufellandi banal trúardellu að halda?

Af hverju hringja menn ekki klukkum vegna offjölgunar mannkyns (megin orsakavalds í útblæstri framtíðar),  rányrkju, vatnsofbeldi stórfyrirtækja, ofríki iðnríkja, fátækt, menntunarleysi og stríði?

Hvers konar hystería eru loftsslagsmálin orðin?

Það er byrjað að hringja inn dómsdag með trúarlegum ofsa eins og í lélegri Hollywoodmynd.

Svo eru menn að tala um að loftslagsmálin byggi á vísindum!

Kirkjuklukkum hringt 350 sinnum

Athugasemdir

[Ágúst H Bjarnason, 12.12.2009 kl. 07:54]

Skýringin á þessu er einföld:

 

Loftslagsmálin eru trúarbrögð en ekki vísindi. 

Annars er stundum gott að leita huggunar hjá Bishop Hill.

[Sveinn Atli Gunnarsson, 12.12.2009 kl. 09:06]

Þetta eru ekki rök fyrir því að vísindin séu trúarbrögð og þaðan af síður að loftslagsmálin geti ekki verið byggð á vísindum, sama hversu mikil pólítík hleypur í hlutina

Og nú skal ég færa rök fyrir því. Fyrst og fremst þá eru loftslagvísindin byggð á mælingum og rannsóknum, sem staðfesta að; a) hitastigið hefur stigið á undanförnum árum og áratugum, b) aukning gróðurhúsalofttegunda hefur áhrif á hitastig og c) aukning gróðurhúsalofttegunda er af völdum brennslu jarðefnaeldsneytis. Sjá einnig t.d. mýtuna um trúarbrögð í vísindunum. Hvað kirkjan ákveður að gera til vekja athygli á þessu, hefur akkúrat ekki neitt með vísindin að gera og er allt annað mál. En fólki er auðvitað velkomið að misskilja það, bara ef það hentar

[Lissy (IP-tala skráð) 12.12.2009 kl. 11:27]

In the United States, it is an absolutely tremendous development that the religious right has begun to adopt the environmental movement. It finally occurred to some religious zealots that god's first commandment to Adam was to care for the planet. The issue is therefore not one of climate change and its science, but a general move in the faith community to become environmentalists.

[Sigurður Þór Guðjónsson, 12.12.2009 kl. 12:36]

Þessari færslu minni er fremur beint að kirkjunni og ''loftslagsmálunum'' en ''loftslagsvísindum.''

Fyrst og fremst þá eru loftslagvísindin byggð á mælingum og rannsóknum, sem staðfesta að; a) hitastigið hefur stigið á undanförnum árum og áratugum, b) aukning gróðurhúsalofttegunda hefur áhrif á hitastig og c) aukning gróðurhúsalofttegunda er af völdum brennslu jarðefnaeldsneytis. 

Þó þetta væri allt hafið yfir allan vafa, sem sumir telja að ekki sé, þá eru ''loftslagsmálin'' annað og meira en ''lofslagsvísindin''.

Það er einmitt það sérkennilega við ''loftslagsmálin'' að þau teygja sig langt út fyrir ''loftslagsvísindin'' inn á svið stjórnmála og siðferðis. ''Loftslagsvísindin'' eru þá notuð sem grundvöllur fyrir því að koma ákveðnum siðrænum boðskap á framfæri eða til að grípa til vissra pólitískra aðgerða. Sumir loftslagsvísindamenn nota vísindi sín hiklaust til að koma slíkum boðskap á framfæri. Vísindin eiga þá að réttlæta alls kyns aðgerðir sem eru fyrir utan svið vísindanna. En þessar aðgeðrir eru efnahagslegar fyrst og fremst og  menn eru ekki samálla um þær, hvort þær séu endilega nauðsynegar eða þá til hvaða aðgerða eigi að taka. Þessar aðgerðir geta haft ýmsar afeliðingar, sumar vafasamar eða alvarlegar á borð við það sem hlýnnarsinnar segja að eigi að gerast vegna hlýnunaninnar sjáfrar. Þeir sem vilja aftur á móti ekki taka þá pólitíksu agfstöðu og aðgerðir sem sterkasti armur aðgerðasinna gerir ráð fyrir eru þá skammaðir í nafni vísindanna fyrir afstöðu sína.

Það er með því sérkennilegra og einstakasta sem við sjáum í vísindaheiminumn hvað vísindum, pólitik og siðfræði er miskunnarlaust beint í vissa stefnu, stundum af fanatík sem minnir á trúboð, sem stefnir að takmörkunun á útblæstri gróðurhúsalofttegunda og þetta samkrull gerir þann einkennilega pakka sem kallaður er ''loftslagsmálin'' en þau eru hrærigrautur mælinga og  vísindakenninga og svo hápólitískra aðgerða og siðferðilegra brýninga. 

Gott dæmi er þetta kirkjulukknadæmi. Mér finnst ekki líklegt að kristnar kirkjur heims hafi fundið það upp frá sjálfum sér. Þær verða fyrir áhrifum, fyrir beinum eða óbeinum þrýstingi, að leggja sitt lóð á vogaarskálina, ekki í nafni vísindanna þó þau séu svipan sem látin er dynja á heiminum, heldur í nafni þeirra pólitísku hugsjóna sem sprettur af þrýstingi sem kemur frá aðgerðasinnum, sem eru að þjóna siðferðisþrunginni politík en ekki vísindum.  

Ég held að  Bishop Hill nái þessu fyrirbrigði ansi vel.