Fyrsta haustfrost í Reykjavík og snjór í fjöllum

Í nótt kom fyrsta frost á þessu hausti í Reykjavík, -1,4 stig. Enn á eftir að frjósa syðst á landinu og á stöku stað við Breiðafjörð, í Ísafjarðardjúpi og sums staðar við sjóinn á norður og austurlandi.  

Lengd frostlausa tímans í Reykjavík er 177 dagar og síðan mælingar hófust hefur hann aðeins verið lengri árið 1939, 2O1 dagur og 1941, 186 dagar.

Um fyrstu og síðustu frost í Reykjavík má lesa hér.

Í gærmorgun var Esjan sums staðar grá af snjó allra efst og líka Akrafjall en meiri snjór var í Skarðsheiði, Kistufelli og einkum Skálafelli. Einnig hafði snjóað í Hengil. Í gær var líka getið um fyrsta alhvíta daginn í byggð á landinu og var snjódýpt 1 cm í Svartárkoti. Í morgun var alhvítt í sveitunum  til fjalla á norðausturlandi, mest 6 cm á Grímsstöðum á Fjöllum og flekkótt var sums staðar við sjóinn á norðausturlandi og við Tröllaskaga og reyndar líka á Kvennabrekku í Dölum.  

Eftir spám að dæma er nokkuð víst að þessi október mun hrynja hvað hitann snertir og mun ekki komast í flokk með þeim allra hlýjustu.  

Það leggst þá lítið fyrir kappann!


Skrár tengdar þessari bloggfærslu:

« Síðasta færsla | Næsta færsla »

Athugasemdir

1 identicon

Þetta fer reyndar að verða sérstakt athugunarefni = mánuðir sem byrja vel (hvað hita varðar....) og enda illa. Þetta gerist ítrekað um þessar mundir!

Áskell Örn Kárason (IP-tala skráð) 19.10.2010 kl. 18:27

2 Smámynd: Sigurður Þór Guðjónsson

Það var líka allt að því einkenni á mörgum mánuðum á hafísárunum og þeim köldu árum sem á eftir þeim fórum.

Sigurður Þór Guðjónsson, 19.10.2010 kl. 18:38

3 Smámynd: Sæmundur Bjarnason

Sigurður. Sé að þú vilt ekki fá athugasemdir við greinina um skólablaðið og það allt en það minnti mig á svolítið og mig langar að skrifa þér beint en finn ekki netfangið þitt.

Sæmundur Bjarnason, 21.10.2010 kl. 23:47

4 Smámynd: Gunnar Th. Gunnarsson

Mögnuð frásögn um skólablaðið

Gunnar Th. Gunnarsson, 22.10.2010 kl. 07:01

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband