Glúrinn febrúar

Það hefur ræst úr þessum febrúar. Hann byrjaði með látum, éljagangi suðvestanlands og kulda. En eftir fyrstu vikuna hefur verið hlýtt og gott veður. Meðalhitinn er 1,8 stig yfir meðallagi í Reykjavík en kringum 1,2 yfir því á Akureyri. Í gær var dagshámarkshitamet jafnað í Reykjavík, 9,1 stig.

Snjólítið er á landinu. Á suðurlandi er að mestu auð jörð og þangað til í fyrradag var líka víða alauð jörð fyrir norðan.

Samkvæmt spám er líklegt að meðalhitinn haldi sér í stórum dráttum á landinu til mánaðarloka.

Þá er aðeins eftir einn vetrarmánuður. Hann má verða mikið kaldur ef hann kemur í veg fyrir að rétt einn vetur í viðbót verði vel fyrir meðalhita á landinu.

Skrár tengdar þessari bloggfærslu:

• akrv_2011_10_0.xls

Athugasemdir

[Emil Hannes Valgeirsson, 25.2.2011 kl. 00:42]

Stóra bakslagið ætlar að láta bíða eftir sér - og kemur kannski bara aldrei.

[Gunnar Th. Gunnarsson, 28.2.2011 kl. 02:04]

Það vantar alveg Reyðarfjörð og Ísafjörð í þetta tal um meðalhitastig á Íslandi.

Alltaf talað um Reykjavík og Akureyri

[Sigurður Þór Guðjónsson, 28.2.2011 kl. 10:49]

Afhverju Ísafjörð?!

[Sveinn Atli Gunnarsson, 28.2.2011 kl. 11:10]

Og afhverju ekki líka Hellu og Ólafsfjörð... o.s.frv.

Þess má geta að meðalhitastig á Íslandi er ekki reiknað út frá Reykjavík og Akureyri, þó umræðan sé að einhverjuleiti um þá staði.

[Gunnar Th. Gunnarsson, 28.2.2011 kl. 11:36]

Ok... bara Reyðarfjörð þá

[Sigurður Þór Guðjónsson, 28.2.2011 kl. 13:29]

Frá degi til dags er handhæg að nota Akureyri og Reykjavík af því að þaðan koma miklar upplýsingar, annar staðurinn fyrir sunnan og hinn fyrir norðan. En í fylgiskjalinu geta menn séð meðalhita tíu stöðva hringinn í kringum landið sem líklega er mjög nærri landsmeðalhita eða a.m. k. sýnir frávikið frá honum.