Dylgjur og lágkúra innanríkisráðherra

Innanríkisráðherra fullyrðir að Ríkislögreglustjóri hafi ekki brotið lög eins og Ríkisendurskoðun heldur fram.

En hvor er trúverðugri innanríkisráðherra eða Ríkisendurskoðun?

Hver og einn ætti nú að líta í eigin  barm til að svara þeirri spurningu!   

Ráherrann segir að ríkislögreglustjóri hafi orðið fyrir mjög ómarklegum árásum, sleggjudómum og ég veit ekki hverju frá fjölmiðlum. 

Þegar fréttamaðurinn í kvölfdfréttum Ríkisútvarpsins spurði svo ráðherrann um dæmi svaraði hann að menn ættu bara að fletta blöðunum og hver og einn ætti að líta í eigin barm.  

Við eigum orð yfir það þegar menn koma með leiðinlegar ásakanir en neita að nefna nein hlutlæg dæmi.

Dylgjur.

Orð ráðherrans eru flatneskjulegar dylgjur. Eins og sagt er: Rakalausar dylgjur.  

Hann veit hins vegar að hann kemst upp með þær. Veit af valdi sínu. Og veit að flokksbræður sínir munu styðja hann. 

En er hægt að leggjast lægra í málflutningi?

Fjöldi fólks, bæði til hægri og vinstri og þar á milli, hefur áreiðanelga áhyggjur af framtíð íslenskra stjórnmála og hreinlega framtíð þjóðarinnar þegar æðstu ráðamenn leggja aðra eins lágkúru fyrir almenning og ráðherran hér gerir og komast upp með það.

Enn eitt dæmið sem sýnir hvers vegna margir eru búnir að fá skömm á stjórnmálamönnum.

 

Athugasemdir

[Flosi Kristjánsson, 18.10.2011 kl. 20:19]

Dæmi:

http://sigsig.blog.is/blog/sigsig/entry/1198705/

[Gunnar Th. Gunnarsson, 18.10.2011 kl. 21:44]

Þú ert á skelfilegum villigötum, Sigurður.

Ríkisendurskoðun hefur ALDREI haldið því fram að ríkislögreglustjóri eða embætti hans hafi brotið lög.

Bloggheimar og sorpblöð hafa hins vegar túlkað athugasemdir Ríkisendurskoðunar blákalt þannig.

[Sigurður Þór Guðjónsson, 18.10.2011 kl. 22:35]

Þegar sagt er að eitthvað brjóti í bága í ákvæði laga er um lögbrot að  ræða. Annars er aðalatriðiðið í þessum pistli ekki það hvort Ríkisendurskoðun hafi réttara fyrir sér en ráðherrann um lögreglustjórann heldur viðbrögð ráðherrans um það þegar hann var beðinn um að nefna dæmi um sleggjudómana. Það gerði hann ekki en kaus að vera með dylgjur sem ómögulegt er að henda reiður á. 

[Gunnar Th. Gunnarsson, 18.10.2011 kl. 23:03]

Ég held að flestir sem hafa gluggað í sorann, t.d. þessi pistill http://blog.eyjan.is/illugi/2011/09/28/makalaus-rikislogreglustjori/ og athugasemdirnar við hann.

[Gunnar Th. Gunnarsson, 18.10.2011 kl. 23:04]

... flestir sem gluggað hafa í sorann, átti sig á hvað Ögmundur er að fara.

[Gunnar Th. Gunnarsson, 18.10.2011 kl. 23:04]

og þetta er bara eitt dæmi og sjálfsagt ekki það versta, af ótal mörgum.

[Guðjón Sigþór Jensson, 18.10.2011 kl. 23:17]

Mér finnst þú taka fulldjúpt í árina Sigurður.

Ögmundur er með vönduðustu mönnum á Íslandi og hefur ætíð reynt að gera sitt besta. Auðvitað hefur Ríkisendurskoðun rétt fyrir sér að þessi innkaup á vegum Ríkislögreglustjóra eru ekki eftir venjum og fyrirmælum sem t.d Ríkiskaup framfylgir eftir lögum og reglum. En Ögmundur telur sem rétt er, að þarna eigi ekki að elta ólar við þetta enda ber að breyta þessu fyrirkomulagi.

Þetta er smámál sem kannski er betra að geyma fremur en að blása upp með látum. Enginn tilgangur er með því.

Góðar stundir!

Mosi

[Sigurður Þór Guðjónsson, 18.10.2011 kl. 23:37]

Ég er ekkert að blása neitt upp með látum.

[Óskar Helgi Helgason (IP-tala skráð) 18.10.2011 kl. 23:51]

Heill og sæll Sigurður frændi; líka sem og, aðrir gestir, þínir !

Guðjón Sigþór Mosfellingur !

Ég má til; að leiðrétta þig, lítilsháttar.

Ögmundur Jónasson; er með ÓVÖNDUÐSTU mönnum, í okkar samtíma - sem seinni ára, og áratuga.

Elín Björg Jónsdóttir; úr Neðra- Ölvesi kynjuð, (Ölfusi) arftaki hans, hjá BSRB, er búin að afkasta meiru, fyrir sitt fólk þar, fremur en þessi mann stauli, sem aldrei hefir gert annað, en að hygla sjálfum sér - og sínum, í íslenzku Kommúnista hreyfingunni.

Og; breytir öngvu, þó hann þjóni í dag, til borðs, með frjálshyggju Kapítalízk- Kommúnísku óstjórnar druslunni, sem ENN; ; fær að sitja óáreitt, eftir að hafa tekið við, af hinum skaðvöldunum : Geir og Ingibjörgu / Halldóri og Davíð, Mosfellingur góður.

Nýjasta afrek Ögmundar þessa; er að bera skjöld, fyrir hrakmenn ið Harald Johannessen, svokallaðan Ríkislögreglu stjóra.

Gleggsta dæmið; um þýlindi ÖJ, til viðurstyggilegrar valda stéttar, hinna 4ra gælu flokka þinna, sem öllu hafa komið hér, til Andskot ans.Guðjón minn. !!!

Með beztu kveðjum; öngvu að síður / 

[Sigurður Þór Guðjónsson, 18.10.2011 kl. 23:57]

Það munar ekki um það!

[Guðjón Sigþór Jensson, 19.10.2011 kl. 00:13]

Óskar: Mætti minna þig á 25. kafla almennra hegningarlaga. Ýmsir hafa lent í vandræðum með kjaftinn á sér fyrir minna!

Góðar nætur!

Mosi

[Óskar Helgi Helgason (IP-tala skráð) 19.10.2011 kl. 01:45]

Komið þið sælir; á ný !

Guðjón Mosfellingur !

Mætti ég; minna þig á XXX. kafla almenns siðferðis og siðgæðis ?

''Hegningarlög''; hins löngu dauða Lýðveldis (1944 - 2008), hafa ekkert vægi lengur, á landi hér, hvað; þú skoðir, hafir þú burði og getu til.

Allra sízt; í ljósi þeirrar staðreyndar, að glæpalýður sá - sem þeir Ögmundur Jónasson og Haraldur Johannessen halda hlífiskildi yfir, GENGUR ENNÞÁ LAUS; innan þings - sem utan þess.

Eða; þykist þú vera maður til, að upplýsa okkur skrifara, sem lesendur, hér á síðu Sigurðar Þórs, um ástæður fyrir lausagöngu manna, eins og : Björgólfs Þórs Björgólfssonar / Jóns Ásgeirs Jóhannessonar og Ólafs SAMBANDS SKIPA þjófs Ólafssonar, til dæmis, að taka ?

Þú skalt ekki dirfast; Guðjón Sigþór - að setja þig á háan Hest, gagnvart mér, sem öðrum samlöndum þínum, sem erum að kikna undan þeirri ógnar tilveru, sem við höfum búið við, síðan Haustið 2008, Guðjón Sigþór !!!

Hvergi; hyggst ég brúka þann munnsöfnuð við þig; persónulega, sem þú viðhefir gagnvart mér - sem og; sjálfsagt öðrum þeim, sem voga sér, að segja vinum þínum, í dragúldnu stjórnkerfinu hérlenda, til syndanna.

Persónulega; óttast ég öngvar hefndir - af þinni hálfu, né annarra, þar sem ég hefi öngvu að tapa, en allt að vinna, til þess að losna við það fólk (um;cirka 7000 manns), sem brýnast er, af landi hér, með EILÍFÐAR útlegðar dómum, af hálfu sanngjarns Alþýðudóm stóls, Mosfellingur spaki, ef allrar sanngirni mætti gæta.

Og; til þess að reisa mætti Ísland úr rústum, mögulega, svo tekið skuli fram, einnig.

Í þessu jarðneska lífi; hræðist ég ekkert - og hefi ekki gert til þessa, nema sjálfan mig, svo fram komi, Guðjón Sigþór !!!

Með þeim sömu kveðjum - sem fyrri / hinum köldustu, til Guðjóns Mosfellings ///    

[Skarfurinn, 19.10.2011 kl. 15:59]

Guðjón Jensson fyrrverandi póstmaður, þú verð Ögmund Jónasson af þeirri einu ástæðu að hann er kommi eins og þú, það er ekki málefnalegt hjá þér.

Auðvitað braut Ríkislögreglustjóri lög með því að kaupa af vinum og vandamönnum fyrir 91 milljón króna  (lögreglumönnum og heildsölum þeirra) það er augljóst, en að Ögmundur lympist niður og reyni að verja gjörninginn er hlægilegt. Tek annars undir það sem Sigurður segir. 

[Sigurður Þór Guðjónsson, 19.10.2011 kl. 16:11]

Ríkisendurskoðun stendur við skoðun sína. Og ég spyr aftur hvor sé trúverðugri ráðherrann eða Ríkisendurskoðun. Hver og einn ætti nú að líta í eigin barm til að svara því.   

[Skellur (IP-tala skráð) 29.10.2011 kl. 18:03]

Sprechen Sie Deutsch!