Hugsað stórt

Í hinu stóra samhengi hefur verið að kólna á jörðunni í miljónir ára!

Hugsum ekki smátt! Hugsum stórt! 

Ábending: Eins og venjulega, þegar um það bil vika er af mánuði, hafa lítilsháttar villur í meðalhita, úrkomu og sól fyrir hvern dag verið leiðréttar í fylgiksjalinu fyrir mánuðinn á undan (hér janúar) og bætt við daglegum  sólskinsstundum fyrir Akureyri. Þetta sést með því að skrolla fylgiskjalið upp.

Skrollið! 

 

 

Skrár tengdar þessari bloggfærslu:

• akrv_2012_6_0.xls

Athugasemdir

[V.Jóhannsson (IP-tala skráð) 5.2.2012 kl. 19:19]

Já, en hvað á að gera, þegar ofsatrúarbrögð eru hinsvegar? NASA hefur ekki bara falsað hitatölur í Reykjavík. Ef svo væri, hver er þá tilgangurinn með smá skítaholu í norðrinu, sem segir ekki neitt eitt og sér? Það stenst engann veginn.

Þetta er spurning um að skattleggja og græða peninga, með hvaða svikum og prettum sem er.

[Sigurður Þór Guðjónsson, 5.2.2012 kl. 19:23]

Jamm!!

[Gunnar Th. Gunnarsson, 5.2.2012 kl. 20:29]

NASA (NOAA) er ekki bara að "leiðrétta" hitatölur í Reykjavík, heldur einnig víðar um heim, t.d. á Grænlandi og í Bandaríkjunum.

Enn eitt "climate-gate" í uppsýglingu?

[Sveinn Atli Gunnarsson, 6.2.2012 kl. 01:49]

Gunnar:
Ef þetta er enn eitt "climate-gate" þá þarf ekki að hafa nokkrar áhyggjur, enda er það mál bara til í hugum "efasemdamanna" sem eitthvað mál. Enda byggir "climate-gate" ekki á nokkrum efnislegum staðreyndum, heldur bara útúrsnúningum "efasemdamanna" sem hafa engar stoðir í veruleikanum. Mér sýnist samsæriskenningar um NASA og "leiðréttingar" þeirra vera af svipuðu meiði...s.s. mjög ólíklegt til að gera nokkurn usla í heimi vísinda, þó svo að "efasemdamenn" muni reyna að gera eins mikið úr því og hægt er...að venju - ekkert nýtt í þeirra hugarheimi að fullyrða um samsæri út og suður án frekari gagnrýni í hugsun...

[Ágúst H Bjarnason, 6.2.2012 kl. 06:11]

Hugsa stórt! Það er málið.

[Hilmar Hafsteinsson (IP-tala skráð) 6.2.2012 kl. 12:36]

Að sjálfsögðu ber okkur að leitast við að sjá heildarmyndina og forðast nano-sjónarhorn kolefnisofsatrúarmanna.

http://ametsoc.org/chapters/oregon/Minutes/2012/2012_1_25_Meeting/2012_1_25_Minutes.html

http://notrickszone.com/2012/01/30/german-fear-of-warming-plummets-yet-to-be-published-skeptic-book-climbs-to-amazon-de-no-4/

http://www.sciencedirect.com/science/article/pii/S1364682611003385

http://wattsupwiththat.com/2012/01/23/its-dead-heat-americans-rate-global-warming-last/

[Sigurður Þór Guðjónsson, 6.2.2012 kl. 13:00]

Þegar miklir hugsuðir láta til sín taka draga minni spámenn sig algjörlega í hlé.

[Sveinn Atli Gunnarsson, 6.2.2012 kl. 18:21]

Ætli málið sé ekki bara að skoða málið í heild, hvað sem líður smáum eða stórum hugsuðum eða hugsunum. Sumar hugsanir, stórar og smáar geta byggt á persónulegum skoðunum frekar en staðreyndum, sem oft á við um hina sjálfskipuðu "efasemdamenn"...og þeirra mótsagnarkenndu "röksemdir"... En jæja, hvað um það, þetta er frjálst land og mótsagnarkenndar skoðanir sem ekki byggja á gögnum eða yfirsýn yfir heildarmyndina eru víst sjálfsagðar...

[Ágúst H Bjarnason, 6.2.2012 kl. 22:33]

Hvað sögðu menn í gamla daga. Var það ekki eitthvað á þessa leið, eða svona nokkurn vegin:

Mikilla sanda, mikilla sæva, mikil eru geð guma.  

Kannski varð einhverjum þetta að orði þegar miðaldahlýindin miklu fyrir árþúsundi gerði þeim lífið létt þannig að þeir hugsuðu stórt og gerðust stórhuga.

[Gunnar Th. Gunnarsson, 6.2.2012 kl. 22:52]

Það eru ansi stór landssvæði í norðaverðri Asíu, Evrópu og Ameríku sem yrðu búsældarlegri með dálítilli miðaldahlýnun.

[Sveinn Atli Gunnarsson, 6.2.2012 kl. 23:50]

Til eru "stórir" hugsuðir sem hundsa staðreyndir...jæja, þeir um það, hér undir má sjá eitt graf, takið eftir 2004 vinstra megin í grafinu... Hitt er svo annað mál að þó við værum ekki búinn að ná yfir miðaldahlýnunina enn þá (sem allt bendir til að við höfum náð á núverandi tímapunkti) þá myndi eðlisfræði gróðurhúsalofttegunda nú samt vera til staðar og hækka hitastig við aukningu gróðurhúsalofttegunda eins og við upplifum í dag - hvaða persónulegu hugmyndir fólk hefur um miðaldahlýinindin "miklu"...

Grafið góða:

Á þessari mynd má sjá þróun hitastigs frá síðustu ísöld og fram til nútíma samkvæmt proxígögnum frá ýmsum stöðum. Svarta línan er meðaltal proxígagna sem unnin eru út frá 8 mismunandi gagnasöfnun sem eru sýnd með hinum línunum og er notast við gögn frá ýmsum stöðum í heiminum sem eru unnin með nokkrum aðferðum, sjá nánar hér. Eins og sjá má er meðalhitastig í heiminum 2004 merkt þarna inn og er það nokkuð hátt miðað við hitastig síðustu árþúsunda. Ef litið er á þróunina frá því fyrir u.þ.b. 8 þúsund árum, má sjá að hitastigið lækkar jafnt frá þeim tíma fram til u.þ.b. byrjun 20. aldar. Punktalínan er meðalhitastig á miðri síðustu öld.

PS. svo má benda á t.d. Efasemdir um hnattræna hlýnun – Hinn vísindalegi leiðarvísir - hægt er að prenta leiðarvísinn út og hafa með í háttinn, svo dæmi sé tekið...

[Ágúst H Bjarnason, 7.2.2012 kl. 07:21]

Við sjáum það á ýmsu hve stórhuga menn urðu á tímum hinna miklu miðaldahlýnunnar. Norrænir menn lögðu í útrás og fundu Ísland, Grænland og svo auðvitað Vínland. Menn reistu fagrar byggingar í Evrópu, bæði á meginlandinu og á Bretlandseyjum, m.a. mikilfenglega kastala og fagrar dómkirkjur. Menningin blómstraði sem aldrei fyrr.

Síðan tók við kuldatímabil sem sumir kalla Litlu ísöldina. Henni fylgdu sjúkdómar, fátækt, styrjaldir og vesaldómur. Þá hættu menn að vera stórhuga.

Það er ljóst, að hlýindum fylgir velmengun og viska, en fátækt og forheimskun kuldatímabilum.

Mikið eru nú annars þessi hlýindi, sem leikið hafa um okkur undanfarna áratugi, yndisleg,  þökk sé náttúrulegum sveiflum á sama hátt og fyrir árþúsundi. 

Náttúran fær koss frá mér

[Sveinn Atli Gunnarsson, 7.2.2012 kl. 08:04]

Ágúst H. Bjarnason, þessi náttúrulega sveifla sem þú ræðir um að sé orsök núverandi hlýnunar er ekki í samræmi við niðurstöður þeirra vísindamanna sem eru sérfræðingar á sviði loftslagsvísinda. 97% þeirra eru samhljóða um að núverandi hlýnun sé af völdum aukina gróðurhúsaáhrifa og mælingar staðfesta það.

Hitt er svo annað mál að það gerðist ýmislegt sem hægt er að setja í flokk stóra hugsana á hinu umtalaða kuldatímabili (sem vitað er að var kaldara á miðöldum en í dag). Fólk má þó ekki gleyma öllu sem gerðist á hinu umtalaða kuldatímabili þó að  það virðist í fljótu bragði passa við söguskýringu þess að afneita sögunni sjálfri og kalla ákveðin tímabil, tímabil vesaldóms og forheimskunar, bara af því að það er í takt við persónulegar skoðanir þeirra. Ég held að Newton, Gallileó, Mozart, Columbus, Beethoven og fleiri stórir menn tímabilsins, svo einhverjir örfáir séu nefndir til sögunar, verði nú hálf móðgaðir yfir að Ágúst H. Bjarnason kalli samtíma þeirra vesaldóm og tíma forheimskunnar...

Jæja, en svona getur þetta nú stundum verið í heimi afneitunarinnar...sem hugsanlega mætti nefna heim forheimskunnar, enda virðast alvöru vísindi ekki eiga heima í heimi þeirra "efasemdamanna" sem afneita loftslagsvísindum...

[Ágúst H Bjarnason, 7.2.2012 kl. 08:58]

Þú gleymir galdrabrennunum Sveinn Atli.

Annars fjallar pistill Sigurðar Þórs um að hugsa stórt. Við megum ekki gleyma því, hvað sem miðaldarhlýindunum góðu líður og hinni mögnuðu móður náttúru.

"Í hinu stóra samhengi hefur verið að kólna á jörðunni í miljónir ára!" skrifar höfundur pistilsins, og hugsar stórt.

Skyldi halda áfram að kólna?

[Sveinn Atli Gunnarsson, 7.2.2012 kl. 09:29]

Ágúst H Bjarnason:
Ég var ekki að ræða galdrabrennur, enda kjánarök sem ekki skipta máli. Ég var bara einfaldlega að benda þér á að á kuldatímabilinu voru gerðar margar stórar hugsanir og einnig margir stórir hugsuðir á ferð, og það var ekki tímabil volæðis og forheimskunar eins og þú virðist halda - heldur var lagður grunnur af nútíma vísindum og það var tímabil mikilla hugsana...þó þú teljir annað Ágúst H Bjarnason, sem er athyglisverð söguskýring hjá þér.

En einhverjar útskýringar frá þér um að miðaldahlýindin og sú sem við erum að upplifa í dag eigi eitthvað sameiginlegt er í besta falli misskilningur hjá þér, sem byggist á "efasemdum" "efasemdamanna".

Það er ekki að kólna (fullyrðing sem þó virðist eiga fylgi meðal þeirra sem afneita loftslagsvísindum), en ef þú vilt sérvelja gögnin til að fullyrða um þess háttar, þá er þér það velkomið, enda má fólk svo sem hafa persónulegar skoðanir sem ekki standast skoðun...ekki málið.

Smá tengill í lokin, Áhrifaþættir hinnar hnattrænu hlýnunar, þar sem m.a. kemur fram:

Flestar þær greinar sem fjalla um áhrifaþætti á hitastig jarðar, fjalla um gróðurhúsalofttegundir, sólvirkni, eldvirkni, örðulosun af mannavöldum og El Nino sveifluna enda eru þetta þeir þættir sem ráða hve mestu um hitastig á hverjum tíma.

Eins og þekkt er, þá veldur losun manna á gróðurhúsalofttegundum (GHG) því að hiti jarðar eykst samfara auknum styrk gróðurhúsalofttegunda í andrúmsloftinu – hin auknu gróðurhúsaáhrif.

Sólvirkni hitar eða kælir jörðina eftir því hvort inngeislun frá sólinni inn í lofthjúp jarðar eykst eða minnkar.

Eldvirkni getur valdið skammtímakólnun á jörðinni með því að þeyta súlfat örðum (e. sulfate aerosols) út í andrúmsloftið, en mikið magn þeirra í efri lögum lofthjúpsins dregur úr inngeislun sólarljóss og minnkar magn þess sem nær yfirborði jarðar.  Þannig örður eru ekki langlífar og skolast úr andrúmsloftinu á 1-2 árum. Því hefur eldvirkni yfirleitt bara skammtímaáhrif á hitastig, nema það komi tímabil þar sem eldvirkni er annað hvort óvenjuulega mikil eða lítil.

Örðulosun af mannavöldum -mest brennisteins díoxíð (SO2) – hefur einnig tilhneigingu til að kæla jörðina. Aðal munurinn á henni og eldvirkni er það menn eru stöðugt að losa mikið magn arða út í andrúmsloftið með því að brenna jarðefnaeldsneyti. Því er í raun um langtímaáhrif að ræða á hitastig – svo lengi sem menn halda áfram losuninni. Örður frá mönnum eru þó mismunandi og valda mismunandi áhrifum (draga úr sólarljósi, hjálpa til við skýjamyndun og valda gróðurhúsaáhrifum). Áhrif arða á loftslag er einn stærsti óvissuþátturinn í loftslagsfræðum.

El Nino sveiflan (ENSO) er náttúruleg sveifla í yfirborðshita sjávar í Kyrrahafinu, sem sveiflast á milli El Nino og La Nina fasa. El Nino fasinn færir hita frá sjónum og upp í andrúmsloftið. La Nina virkar síðan á hinn vegin. Nokkrar rannsóknir hafa verið gerðar á hvort ENSO hefur langtímaáhrif á hnattrænan hita. Þar sem um er að ræða sveiflu, þá er talið að langtímaáhrif séu lítil og að La Nina fasinn verki á móti El Nino.

Það eru aðrir áhrifaþættir, en gróðurhúsalofttegundir og SO2 eru stærstu mannlegu þættirnir. Sólvirkni, eldvirkni og ENSO eru stærstu náttúrulegu þættirnir sem virka á hnattrænan hita. Við skulum skoða hvað fræðimenn segja um hlutfallsleg áhrif hvers þáttar fyrir sig.

Það kemur ýmislegt fróðlegt fram þarna, t.d. nánar varðandi rannsóknir vísindamanna á þessum áhrifa þáttum sem þarna eru nefndir - það er ekki í samræmi við persónulegar skoðanir "efasemdamanna" og þeirra sem afneita loftslagsvísindum...

[Ágúst H Bjarnason, 7.2.2012 kl. 10:17]

Nú er greinilega ekki seinna vænna að kaupa góðan trefil áður en kuldaboli kemur í öllu sínu veldi. Brrr... 

[Sveinn Atli Gunnarsson, 7.2.2012 kl. 10:49]

Já, afneitunin er sterkt afl, en ef þér líður betur með trefil Ágúst H Bjarnason, þá skaltu endilega kaupa þér einn slíkan, enda munu vetrarveður halda áfram að geysa á jörðinni (sérstaklega um vetrartímann), hvað sem líður hnattrænni hlýnun af mannavöldum...það er engin sem heldur öðru fram. Leiðinlegt reyndar að rökleysur "efasemdamanna" séu slíkar að ekki er mark á þeim takandi, það væri gott ef óskhyggja þeirra væri byggð á einhverju sem stæðist skoðun - en því fer þó fjarri.

Eins og lesa má hér, þá eru helstu aðferðir "efasemdamanna" a.k.a. afneitunarinnar vel þekktar:

Nokkrar helstu aðferðir afneitunar eru:

1. Samsæriskenningar
2. Sérvalin gögn (e. cherry-picking)
3. Fals sérfræðingar
4. Ómögulegar eftirvæntingar (einnig þekkt sem færanleg markmið)
5. Almennar rökleysur

Sumir vilja einnig bæta við 6. liðnum, sem er endurtekning á rökum sem þegar er búið að hrekja og eftir þessar pælingar hér að ofan, þá líka 7. liðnum sem eru mótsagnirnar.

Við höfum séð þetta allt í athugasemdum "efasemdamanna" á Íslandi í gegnum tíðina. Ég tel t.d. að fullyrðingar um forheimskun og vesaldóm á kuldatímabilinu svokallaða, ásamt kjánarökum um galdrabrennur falli m.a. undir lið 5. Almennar rökleysur - kannski líka liði 2. og 4. ásamt endurtekningunum...

[Ágúst H Bjarnason, 7.2.2012 kl. 12:08]

[Sveinn Atli Gunnarsson, 7.2.2012 kl. 12:17]

Já Ágúst minn, ef þú hefur ekkert meira að segja þá er væntanlega hægt að brosa út í annað - eða jafnvel bæði . Það er kannski best fyrir þig þar sem þú hefur væntanlega ekki röksemdir sem standast skoðun...nema þá kannski þú viljir breyta sögunni meira og segja að iðnbyltingin hafi ekki átt sér stað - hún gerðist jú í kuldatímabili, þar sem samkvæmt þínum "röksemdum" átti sér stað forheimskun...jæja, segir kannski mikið um þína "rökfræði"...og almennar rökleysur...en eins og áður sagði er afneitunin sterkt afl...

[Ágúst H Bjarnason, 7.2.2012 kl. 12:48]

Ég tek þessu öllu saman létt og hef ekki þungar áhyggjur, hvorki af kólnun né hlýnun.  Hef bara ánægju af því að fylgjast með, bæði duttlungum náttúrunnar og heitum umræðum. Kasta stundum kolum á umræðueldinn til að kynda aðeins. Þess vegna brosi ég af einlægni Sveinn minn.  

[Sveinn Atli Gunnarsson, 7.2.2012 kl. 12:59]

Jæja Ágúst - þú meinar s.s. ekkert með þessum rökleysum þínum...jæja það var og duttlungar manna eru furðulegir... Þú ert þó furðulega mikið í því að afneita hlýnun og "spá" kólnun af manni sem "hefur ekki þungar áhyggjur" af hvoru tveggja

Ég hef reyndar líka gaman að því að kynda upp undir rökleysum þeirra sem afneita vísindum...það getur verið gaman að sjá rök þeirra bráðna undan þeim eins og jöklar við hlýnun jarðar...hið síðara er þó alvarlegt mál sem þeir sem afneita vísindum afneita líka... Það má sjá gott dæmi um það hér að ofan hjá þér Ágúst að "röksemdir" þínar hafa fallið saman um sjálfar sig (enda bara duttlungafullar staðhæfingar sem ekki standast skoðun)...

En brost þú bara sem mest Ágúst, það er gott að þér líður vel, þó svo ekkert bóli á meintri kólnun sem þú hefur spáð alla vega síðan 1998 - gott að þú lætur engan bilbug á þér finna  

[Hilmar Hafsteinsson (IP-tala skráð) 7.2.2012 kl. 16:07]

Ég sé að Svatli nettröll og wannabe-skógarvörður er að ausa úr skálum "visku" sinnar einn ganginn enn. Væntanlega er að hann staddur á Suðurskautinu ásamt félaga Al Gore, NASA-Hansen, forsetahjónunum íslensku og fleiri kardínálum kolefniskirkjunnar.

Glópagengið er að forðast fimbulveturinn á norðurhveli jarðar.