Fyrsta næturfrost í Reykjavík

Í nótt kom fyrsta næturfrostið á þessu hausti í Reykjavík, -1,2 stig. Síðasta frost í vor var 17. maí. Frostlausi tíminn var því 134 dagar en meðaltalið frá 1920, þegar Veðurstofan var stofnuð, er 143 dagar en 147 árin 2001-2011.

Frá því Veðurstofan var stofnuð 1920 hafa 54 septembermánuðir af 93 (þessi talinn með) í Reykjavík verið frostlausir eða 58% allra mánaða.  Meðaltal lágmarkshita þessi ár fyrir september er 0,1 stig.

Ekki hefur enn mælst frost á suðausturlandi og við suðurstöndina og reyndar á einstaka stöðvum annars staðar.   

Skrár tengdar þessari bloggfærslu:

• akrv_2012_69_0.xls

Athugasemdir

[Emil Hannes Valgeirsson, 29.9.2012 kl. 14:08]

Þetta er í samræmi við það sem sumir segja. Kólnunin mikla er hafin!

[Ásthildur Cesil Þórðardóttir, 29.9.2012 kl. 17:19]

Hér féll kartöflugrasið mitt í nótt.  En kartöflurnar eru í fínu lagi.  Veit ekki hve langan tíma ég hef til að taka þær upp. Er reyndar núna að taka upp kartöflur frá því í fyrra, og alveg eftir að taka upp þessar frá í vor.

[Hilmar Hafsteinsson (IP-tala skráð) 29.9.2012 kl. 17:44]

Allar mælitölur staðfesta á óyggjandi hátt það sem ég hef leyft mér að halda fram: Það er að kólna á Íslandi!

Að þessu sinni gengur ekki að svatla og höska með vísindalegar staðreyndir:

"Síðasta frost í vor var 17. maí. Frostlausi tíminn var því 134 dagar en meðaltalið frá 1920, þegar Veðurstofan var stofnuð, er 143 dagar en 147 árin 2001-2011."

[Ásthildur Cesil Þórðardóttir, 29.9.2012 kl. 17:47]

Hilmar af hverju hefur plöntuúrvalið aukist? plöntur sem þrifust ágætlega fyrir nokkrum árum eru núna nánast illgresi, og plöntur sem alls ekki þrifust fyrir nokkrum árum vaxa ágætlega núna. 

[Hilmar Hafsteinsson (IP-tala skráð) 29.9.2012 kl. 21:12]

Af hverju spyrð þú Á.C.Þ. þegar svarið er fyrir framan þig?:

"Síðasta frost í vor var 17. maí. Frostlausi tíminn var því 134 dagar en meðaltalið frá 1920, þegar Veðurstofan var stofnuð, er 143 dagar en 147 árin 2001-2011."

Það er ljóst að árin 2001 - 2011 voru toppurinn á hlýskeiði á Íslandi. Núna er greinilega farið að kólna og heimsendaspámenn farnir að róa á önnur mið!

[Sveinn Atli Gunnarsson, 30.9.2012 kl. 12:20]

Emil - brr...þetta gæti endað illa - kannski afneitunarpésarnir hafi rétt fyrir sér þegar öllu er á botnin hvolft... Þó svo þeir hafi ekki snefil af gögnum á bak við sig...kannski það sé bara nóg að fullyrða út í loftið og þá verði hin mikla kólnun staðreynd...kannski maður þurfi að yfirgefa vísindalega nálgun og afneita hlýnun á heimsvísu - bara af því að frostlausir dagar á Íslandi urðu færri en meðaltalið... Það gerðist svipað í desember síðastliðnum, það komu smá kuldakafli á Íslandi og lýðnum varð ljóst að kólnunarskeiðið hófst þá (allavega prédikuðu sumir afneitunarpésar því - m.a. téður Hilmar) - þó svo árið sé eitt af þeim hlýjustu síðan mælingar hófust á heimsvísu...brr, en frostlausir dagar í Reykjavík hljóta að vera endanleg sönnun - við skulum ekki gleyma því