Öfugmæli

Veðufréttamaðurinn í sjóvarpinu í kvöld tönnlaðist á veðurblíðu sem spáð er sunnanlands á morgun. Samt verður frost allan sólarhringinn. Í gær var glaðasólskin og 3-5 stiga hiti í Reykjavik. Það má hiklaust kalla blíðu en var ekki kölluð það í veðurfréttum. 

Í dag var bjart en frost mátti heita allan daginn í Reykjavík, hámkarskhitinn varð +0.1 stig. Það kalla ég hins vegar ekki neina blíðu. Frostið bítur en strýkur ekki blíðlega um vanga. Á morgun verður líklega frost allan daginn. 

Bjart veður með frosti þó um vetur sé finnst mér ekki vera nein veðurblíða. Það er bara öfugmæli. En það má kalla það fagurt veður ef menn vilja.

Að geti komi raunverulega blítt veður um hávetur í glaða sólskini sýna sumir síðustu dagar svo ekki verður um villst, ekki bara gærdagurinn heldur líka 8. og 9. febrúar sem voru sólríkir og nær frotlaustir allan sólarhringinn og með þriggja til fimm stiga síðdegishita. En enginn hefur haft fyrir því að nefna veðurblíðu um þessa daga.  Það er þó alveg himinn og haf hvað blíðleika varðar milli þeirra og þess sen spáð er fyrir morgundaginn. En svo þegar kemur bjart veður með frosti - köldustu dagar ársins á suðurlandi - þá er allt í einu komin veðurblíða!

Skil nú bara satt að segja ekki svona tilfinningaleysi fyrir verðurlagi og fyrir merkingu orða.

 

Skrár tengdar þessari bloggfærslu:

• akrv_2014_0.xlsx

Athugasemdir

[Hörður Þórðarson, 16.2.2014 kl. 03:52]

Er ekki allt í lagi hjá þér, Sigurður? Hafðu það gott, og njóttu veðurblíðu sálarinnar.

[Helga Kristjánsdóttir, 16.2.2014 kl. 10:37]

Ég veitti þessu einnig sérstaka athygli,hélt veðurfréttakonuna hafa mistalað sig í fyrstu,en framhaldið benti eki til þess.

[Sigurður Þór Guðjónsson, 16.2.2014 kl. 11:29]

Hvað ertu að fara með þetta Hörður hvort allt sé ekki allt í lagi sálinni á mér? Ég skýrði meiningu mína vel út efnislega, bæði litillega hvað varðar orðið blíðu en sérstaklega með dæmum um nýlega daga sem réttmætt væri að kalla að hafi einkennnst af veðurblíðu sem dagurinn sem spáð er ekki uppfyllir. Hann er dagur með annars konar veðurlagi en veðurblíðu að mínum dómi. Mér er nákvæmni og ónákvæmni í veðurlýsingum nokkurt mál. En úr því þú ert búinn að gefa það ekki aðeins í skyn heldur nánast segja það beinum orðum að eitthvað sé í ólagi í sálinni á mér viltu þá ekki gjöra svo vel að skýra út hvað þú heldur að það sé. Það er reyndar óbjörgulegur málflutningur þegar menn grípa til þess að segja út af einhverju sem einhver segir: voðalega hlýtur þér að líða illa á sálinni, eða eitthvað álíka! En bloggið mitt er til vitnis um það að ég er alla jafna hinn glaðasti og reifasti. En ég get stundum verið gagnrýninn á eitt og annað. Held samt að þetta sé í fyrsta sinn á 7 ára bloggferil að ég setji eitthvað út á veðurfréttamenn sjónvarpsins. Og hvað skeður: Spretta þá ekki fram veðurfræðingar hinum meginn á hnettinum og spyrja hvort ekki sé allt í lagi í sálinni! Hafðu það samt sem áður feikarlega gott, vertu alveg uppi í skýjunum, en ég stend efnislega við allt sem ég hef skrifað í þessari færslu og er í einstöku sólskinsskapi. En veðrið er ekki blítt núna. Það var það fyrir nokkrum dögum með álíka sól og núna en margra stiga hita en ekki margra stiga frosti. Efast ekki um að þú sem veðurfræðingur skiljir muninn á því tvenns konar veðurástandi. Ef ekki þá hefur sál þín heldur betur formyrkvaðst!

[Hörður Þórðarson, 16.2.2014 kl. 12:11]

Þú veist það best sjálfur hvernig ástand sálarinnar er. Ég þarf ekki að segja þér neitt um það.

Hvað varðar mat á veðri er það persónubundið. Það sem einum kann að finnast blíða finnst öðrum vera illviðri.

[Sigurður Þór Guðjónsson, 16.2.2014 kl. 13:27]

Ég gerði efnislega grein fyrir afstöðu minni, allnákvæma. Í stað þess að víkja að henni og sýna á fram á að hún væri röng kemur þú með flatar dylgjur um það að eitthvað sé að í sálarlífi mínu og bætir svo um betur með þessari athugasemd sem hnykkir á því. Segist ekki þurfa að segja mér neitt um það hvernig ástand sálarinnar sé því að viti ég bara best sjálfur en samt ertu einmitt með dylgjur í þá átt að eitthvað sé þar í ólagi. Þetta er ekki aðeins rætinn málflutningur heldur líka órökréttur.

[Hilmar Hafsteinsson (IP-tala skráð) 16.2.2014 kl. 16:22]

Sæll SÞG. Það er naumast að þú færð yfir þig gusuna frá innvígðum - sprenglærðum - veðurspámanni!

En svona er nú Ísland í dag. Ef maður vogar sér að benda á hið augljósa er sjálfskipuð veðurlögga umsvifalaust komin með rætnar tilvísanir í sálarlíf viðkomandi.

Hér gildir hið fornkveðna:

En þeir sem ætíð góna á global myndir

og gisk um veður tigna allra mest

þeir ættu’ að sýna sínar sálarmyndir

og svo skulum við dæma hverjum ferst

[Sigurður Þór Guðjónsson, 16.2.2014 kl. 20:40]

Þegar ég fór út í dag var bölvuð gjóna og veðurblíðan beit í kinnar í frostinu. Og svei mér ef ég kom ekki heim kalinn á sálinni!