Hlý aprílbyrjun í Reykjavík

Meðalhitinn fyrstu 11 daga mánaðarins er 5,7 stig í Reykjavík. Það er 4,0 stig yfir meðallaginu 1961-1990 en 2,8 stig yfir meðallagi þessarar aldar fyrir sömu daga. Jafnhlýtt var fyrstu 11 apríldagana 1955 en enga aðra mánuði fyrir þau ár, frá 1949, sem dagsmeðaltöl liggja laus fyrir. En sterkar líkur eru á því, eftir upplýsingum sem til eru um eldri hitamælingar þó ekki séu það raunverulega dagsmeðaltöl, að hlýrra hafi verið 1929 en einkum 1926 þessa fyrstu daga.

 

En ekki er hægt að kvarta yfir byrjuninni á þessum apríl hvað hitann varðar.

 

En nú er sem sagt að kólna þó varla sé hægt að kalla það almennilegt páskahret en um þau má hér um lesa. 

Páskahretið verður á sínum stað

Skrár tengdar þessari bloggfærslu:

• akrv_2014_6_0.xlsx

Athugasemdir

[Hilmar Hafsteinsson (IP-tala skráð) 16.4.2014 kl. 09:59]

"En nú er sem sagt að kólna þó varla sé hægt að kalla það almennilegt páskahret..."(sic)

"Borið hefur á ofankomu á landinu síðustu daga og stendur orðið páskahret fullkomlega undir merkingu sinni." (http://www.visir.is/heimilt-ad-vera-a-nagladekkjum-i-vissum-adstaedum/article/2014140419309)

Það getur verið varasamt að skálda í framtíðina Sigurður Þór :)