Rúsínan í pylsuendanum

Í vorblíðunni í dag fór ég fyrst á einn mikilvægan fund. Flestir voru þó hálfvitar einir sem þar funduðu. En það dró úr einstæðingsskap mínum að þar var líka fallegasta kona í heimi og vissi vel af því. Hún gerði sig mjög breiða en þó ekki nándar nærri því eins breiða og ég gerði mig hér á blogginu í gær.

Ég vona að ég móðgi engan, allra síst femínista eða kommúnista, þó ég ljóstri upp um hinn óttalega leyndardóm míns hjarta: Álit mitt á konum fer aðeins eftir einu: Eru þær sætar eða eru þær ljótar.

Það er voða gaman af sætum konum. En ég geri mitt besta til að umbera ljótar konur.

Ó, já, sannleikurinn mun gera yður frjálsa.  

Skyldi ljóta fólkið annars hafa nokkra sál. Það get ég ekki ímyndað mér. Ekki hef ég sál.

Seinna þennan blessaða dag álpaðist ég á Kaffi Mílanó með kunningja mínum. Við ræddum um hrellingar mannkynsins sem eru með mesta móti um þessar mundir.  Og við vorum á einu máli um það að svona geti þetta bara ekki gengið öllu lengur. Komu þá ekki að borðinu okkar engir aðrir en  Sveinn Rúnar Hauksson palestínuskæruliði og hans ektakvinna og bloggari  Björk Vilhelmsdóttir. Þau töldu einsýnt að hörmungum mannkynsins muni ekki linna meðan  Framsóknarflokkurinn væri enn við lýði. Þessi orð þeirra geymi ég í hjarta mínu og mun íhuga þau kvölds og morgna.

Ótrúleg drusla er þessi landlæknir annars. Hann er algjör draumaprins svona skítafyrirtækis eins og Impreglio. Hann bara klappar þeim á kollinn fyrir óumdeilanlegt lögbrot og brot á virðngu og réttindum sjúklinga. Fuck him!

Og svo er það hin sæta rúsína í bloggpylsuendanum: 

Tvö eftirlegukindahitamet í apríl voru sett í dag á veðurstöðvum sem hafa langa og hretviðrasama mælingasögu. Á Grímsstöðum á Fjöllum fauk metið frá í gær. Hitinn komst þar í dag í 19.8 stig (hugsa sér að hiti vippi sér í 20 stig í apríl uppi á fjöllum). Og á Hæli í Hreppum mældist 15.5 stig.

Og nú er víst bara best að fá sér góðan an bloggblund fram að næstu hitabylgju.   

P.S. Hvað haldiði annars!! Haldiði ekki að það sé minnst á mig í dag í sjálfum Mogganum!

Allt er hégómi! Allt er aumasti hégómi og eftirsókn eftir vindi! (En glæstar hitabylgjur gera þann vind bara helvíti hlýjan og góðan).   

 

 

 

 


« Síðasta færsla | Næsta færsla »

Athugasemdir

1 Smámynd: Heiða B. Heiðars

Heyrðu þú þarna montrass!! Það á fyrst og fremst að hlusta á konur svo að horfa

Heiða B. Heiðars, 30.4.2007 kl. 21:18

2 Smámynd: Ingibjörg Álfrós Björnsdóttir

Þú ert yndislegur Sigurður,  - það eru ekki margir eins og þú   En ég er sammála með landlækni.  Ætli einhver hafi beitt hann þrýstingi (eða loftþrýstingi ? )  Allavegana var úr honum allur vindur.  

Ingibjörg Álfrós Björnsdóttir, 30.4.2007 kl. 21:20

3 Smámynd: Sigurður Þór Guðjónsson

Ég hlusta nú bara ekki á svona skessan þín Heiða.

Sigurður Þór Guðjónsson, 30.4.2007 kl. 23:17

4 Smámynd: Sigurður Þór Guðjónsson

Fræðileg og djúphugsuð ritskýring við ofangreinda bloggfærslu:  Þetta með sætar og ljótar konur er ansi afstætt. Þannig eru margar sætar konur alveg herfilega ljótar og leiðar og margar ljótar konur alveg ofboðslega sætar og skemmtilegar. Hins vegar er það ekki afstætt heldur algilt að ljóta fólkið hefur enga sál. Ekki einu sinni sálartetur.   

Sigurður Þór Guðjónsson, 1.5.2007 kl. 13:03

5 Smámynd: Vilborg Valgarðsdóttir

Ég get alveg staðfest síðustu athugasemd þína Sigurður, við ljóta fólkið höfum ekki einu sinni sálartetur. Það er visst frelsi í því - ekki satt?

Vilborg Valgarðsdóttir, 1.5.2007 kl. 21:14

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband