Afhverju talar lögreglan tæpitungu?

Hvað felst að baki þeirra orða lögreglunnar að rúmensku götulistamönunum hafi verið "boðið" að hverfa úr landi? Það sagði lögreglumaður á Akureyri í sjónvarpinu.

Verður lögreglan ekki að skýra þjóðinni frá því í hverju boðið var í rauninni fólgið? 

Það er með engu móti hægt að taka svona skýringar alvarlega og það er lögreglunni til vansæmdar að láta þær frá sér fara. Það ber heldur ekki vott um vandaða fréttamennsku þegar fréttamaður sjónvarpsins spurði lögreglumanninn á Akureyri hvort kvartað hafi verið yfir tónlistarsmekk Rúmenanna sem voru að leika á götunum. Og lögreglumaðurinn glotti og jánkaði því.

Er hægt að afgreiða þetta mál með svona léttúð þegar vísbendingar hafa komið fram um að þessir útlendingar séu líkast til í klóm okurlánara, sem sagt glæpamanna, sem taka ekki á þeim með vettlingatökum fremur en íslenska lögreglan?     

Athugasemdir

[Heiða B. Heiðars, 8.5.2007 kl. 20:51]

Þetta lið kann ekki að skammast sín! Verður amk að vera einhver ástæða fyrir því að "bjóða" þeim að snáfa úr landi.... annnað en lélegur tónlistarsmekkur

[Svava frá Strandbergi , 9.5.2007 kl. 01:23]

Ætli þeim hafi nokkuð verið gefinn kostur á því að neita boðinu?

[Sigurður Axel Hannesson, 9.5.2007 kl. 10:00]

Áreiðanlega ekki, Guðný. "Boð" hljómar bara svo mikið betur en "brottvísun" eða "skipun" í fréttaflutningi.

Fyrir mitt leyti fannst mér tónlistin mun betri en þetta hefðbundna garg og gól á ýmsum uppákomum.

[Vilhjálmur Örn Vilhjálmsson, 9.5.2007 kl. 10:06]

Ég var að enda við að skrifa um sama efni, þegar ég sá þín skrif. Telepatía? Nei ég varð aðeins seinni til. En við erum víst að hugsa það sama. Þetta skrifaði ég.

Þú hefur óhemju áhuga á alls kyns ösnum og spurðir mig eitt sinn hvernig þeir hefðu það í Landinu helga, eða réttara sagt Palestínu. Í morgun rakst ég á blogg á Jerusalem Post um asna. Það virðist sem að sumum gyðingum sé annt um hag asna og séu hálf leiðir yfir meðferð ættingja sinna á Vesturb. og Gazalegu ströndinni á þessum fjórfætlingum. Hér getur þú lesið dæmisöguna.

[halkatla, 9.5.2007 kl. 14:35]

ég spurði mig sömu spurninga

mér líkaði þessi tónlist svona hæfilega, Geir Haarde er t.d ekki betri og hvað getum við gert við hann??? Ekkert land tæki við honum, nei ég segi svona - bara grín

[Vilhjálmur Örn Vilhjálmsson, 10.5.2007 kl. 20:21]

Er Geir Haarde ekki bar líka sígauni, eins og þeir sem sendir voru úr landi?

[Sigurður Axel Hannesson, 11.5.2007 kl. 10:35]

Sendum hann til Noregs. ;)