Hún Vera frá Rússlandi

Þetta er allt annað líf síðan fór að hlýna. Nú er veðrið orðið eðlilegt eftir árstíma. Og það á eftir að batna enn til muna því hlýr loftmassi er að koma beint frá Rússlandi.

Fyrsta utanlandsferð mín var til smáborgar í Rússlandi sem heitir Onega og er innst í Hvítahafinu. Þá var ég þrettán ára og var messagutti á flutningaskipi. Þarna kynntist ég ungri stúlku sem kom oft í sjómannaklúbbinn á kvöldin en á daginn vann hún við uppskipun á timbri við höfnina.Við urðum miklir vinir þó hún væri nokkrum árum eldri en ég og við gætum ekki talað saman því hún skildi aðeins rússnesku. En við brostum bara inn í hvort annað. Hún fluttist síðar úr borginni og býr nú suður í Kákasusfjöllum. Við erum enn í sambandi. 

Daginn sem ég sá hana fyrst, 6. júní 1961, var einmuna blíða og var það allan tímann sem við vorum í höfn en það voru nokkrar vikur. Við sigldum svo burt en komum aftur seinna um sumarið. Alltaf var sama blíðan. Og þetta reyndist með hlýjustu sumrum við Hvítahafið.

Þessi stúlka hét Vera. Og hér fyrir ofan er mynd af henni sem tekin var þegar hún var að vinna í timbrinu í Onega. Hún sendi mér myndina fyrir nokkrum árum. Og svona leit ég út þegar ég kynntist henni. 

 

 

 

 

 

Allt gott kemur frá Rússlandi. Ljúfar minningar, sumarblær og sólskinsblíða.  

Athugasemdir

[Svava frá Strandbergi , 29.5.2007 kl. 19:50]

Þú hefur bara verið alveg eins og kvikmyndaleikarinn sem lék í stórmyndinni  Ghost þegar þú varst unglingur.

Patrick Swayzy held ég hann heiti.

[Sigurður Þór Guðjónsson, 29.5.2007 kl. 19:54]

Og nú er ég bara sjálfur orðinn ghost! 

[Vilhjálmur Örn Vilhjálmsson, 29.5.2007 kl. 20:01]

Nei, þú ert frekar Swayzinn! Frábær saga!

[Sigurður Þór Guðjónsson, 29.5.2007 kl. 20:16]

Það er miklu meira í sögunni. Hún er alveg ótrúleg. Kannski verður hún seinna öll sögð. 

[Heiða B. Heiðars, 29.5.2007 kl. 20:18]

Vera er ekki bara hlý.. hún er fegurðardrottning! Hún hlýtur að hafa verið skotin í þessum sæta strák!! 

Vona að fáum að heyra söguna við tækifæri 

[gerður rósa gunnarsdóttir, 29.5.2007 kl. 20:36]

Æ litlu dúllurnar :)

Ertu þá semsagt búinn að læra rússnesku?

[Guðmundur Ólafsson (IP-tala skráð) 30.5.2007 kl. 07:08]

Þetta er falleg saga Siggi minn, þú átt að skrifa meira fyrir okkur andleysingjana. En það er satt sem þú segir, allt gott kemur frá rússlandi :)

[Vera Knútsdóttir, 30.5.2007 kl. 12:28]

Vera er líka einstaklega fallegt nafn og fallegar konur sem bera það ;)

[Sigurður Þór Guðjónsson, 31.5.2007 kl. 00:36]

Já, og það er bara Guðmundur sjálfur!

[Skarpi, 31.5.2007 kl. 21:23]

Sæll Sigurður, 

  long time reader, fyrsta komment.

 Þessi saga  verður að vera sögð! Það er fjölmargt sem leynist þarna, það skynjar hver maður með hálfa hugsun. Bréf milli Íslands og Sovét, hvers kyns eðlis sem þau svosem væru, hljóta að vera forvitnilegt efni. Hlakka til að fá meira að vita. 

[gerður rósa gunnarsdóttir, 31.5.2007 kl. 21:57]

Já hann lumar á mörgum leyndarmálum hann Sigurður. Ég ætla að veiða þau öll upp úr honum innan skamms.

[Sigurður Þór Guðjónsson, 31.5.2007 kl. 22:58]

Nú er ég að hlusta á óperuna Mefistóteles eftir Boito. Gerast ekki betri óperur.

[Sigurður Þór Guðjónsson, 2.6.2007 kl. 01:16]

Guðmundur Ólafsson! Af því að við erum sammála um að allt gott komi frá Rússlandi hefurðu kannski gaman að því að sjá hvaða fréttir koma frá rússneskum krummaskuðum. http://onega.su/