Draumurinn

Það dreymdi mig í nótt að mér fannst ég staddur í löngum gangi og gekk ég fram og til baka eftir ganginum. Fyrir enda gangsins var stórt borð og þar sat Björn Bjarnason dómsmálaráðherra umkringdur mörgum konum, ungum og forkunnarfögrum. En Björn sýndi ekki sitt rétta andlit heldur var eins og Þór Whitehead í framan.

Þar sem ég gekk þarna fram og aftur um ganginn ávarpar Björn mig allt í einu með þessum orðum:

Viltu nú ekki koma og setjast hérna hjá okkur Siggi minn!

Þennan draum túlka ég umsvifalaust beint af augum eftir freudískum skilningi: Dómsmálaráðherrann er ekki svo lítið upp á kvenhöndina og er umvafinn villtu meyjum alla daga við sitt lífsins borð. Hann vill endilega að ég fylgi fordæmi hans í því efni. Hlammi mér við kvennahlaðborðið mikla sem svignar undan ilmandi og lostætum krásunum og eti og drekki og veri afskaplega glaður. Og ég er að hugsa um að taka hann bara á orðinu.

En það var meira  en Freud í þessum djúpa og merkilega draumi. Hann var líka hinn huggulegasti daglátadraumur í þjóðlegum stíl.

Um hádegið leit ég við í Bókavörðunni á Hverfisgötu þar sem seldar eru gamlar bækur. Ég kem þarna oft og þeir hafa verið að taka frá fyrir mig, eftir því sem þær berast í búðina, bækurnar eftir Þór Whitehead um aðdragandann að hernámi Íslands. Og viti menn! Í dag var síðasta bókin komin sem mig vantaði: Bretarnir koma. 

Ég hef miklar mætur á þessum bókum. Ekki síst vegna þess að þær ná einhvern veginn svo vel blænum á borgarlífinu á þessum tíma. Ég er að vísu fæddur eftir stríð en man vel fyrsta áratuginn þar á eftir og þá voru braggar og aðrar stríðsminjar enn úti um allt.

Mikið er nú gaman að dreyma flotta freudíska drauma og fyrir svona daglátum sem hitta beint í mark.

 


« Síðasta færsla | Næsta færsla »

Athugasemdir

1 Smámynd: Heiða B. Heiðars

Iss... þetta erum við zoa sem umkringjum þig! Vildi að ég hefði vitað að þig vantaði þessa bók... ég á þær allar og held ekkert sérstaklega upp á þær

Heiða B. Heiðars, 30.5.2007 kl. 22:43

2 Smámynd: Sigurður Þór Guðjónsson

Ert þú meiri freudisti en ég?!

Sigurður Þór Guðjónsson, 30.5.2007 kl. 23:56

3 Smámynd: Heiða B. Heiðars

Nauts! Aldrei litið á mig sem Freudista! Reyndar ekki kynnt mér kenningar hans nógu vel.... en það litla sem ég veit er ekki ég... held ég 

Heiða B. Heiðars, 31.5.2007 kl. 00:29

4 Smámynd: gerður rósa gunnarsdóttir

Vusstu, að það er langur gangur á milli íbúðarinnar sem ég og Heiða verðum í og þeirri sem þú verður í.
Duló?

gerður rósa gunnarsdóttir, 31.5.2007 kl. 09:20

5 Smámynd: Svava frá Strandbergi

þú verður bara að sætta þig við að kaupa þér eitt stykki Freyju draum.

Svava frá Strandbergi , 31.5.2007 kl. 17:11

6 Smámynd: Sigurður Þór Guðjónsson

Hvað Freud varðar hef ég þá bara þetta að segja:

Freudvoll

und Leidvoll,

Gedankenvoll sein.  

Sigurður Þór Guðjónsson, 31.5.2007 kl. 17:13

7 Smámynd: gerður rósa gunnarsdóttir

Lakkrísdraum handa mér takk ;) Freud má hvíla í friði fyrir mér.

gerður rósa gunnarsdóttir, 31.5.2007 kl. 19:41

8 Smámynd: Sigurður Þór Guðjónsson

Aumingja Freud! Það eru allir á móti honum.  

Sigurður Þór Guðjónsson, 31.5.2007 kl. 20:10

9 Smámynd: gerður rósa gunnarsdóttir

Nei, held hann sé í tísku í Bandaríkjunum.

gerður rósa gunnarsdóttir, 31.5.2007 kl. 21:52

10 Smámynd: halkatla

ég elska Freud, þetta er undursamleg grein og þú ert öfundsverður af þessum ljúfa draumi.

Þú varst að vaxa svo mikið í áliti hjá mér með því að segjast vera Freudisti að þú vilt ekki vita það  

halkatla, 1.6.2007 kl. 00:28

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband