Sefandi veðurlag

Í dag var sól og blíða á austurlandi. Á Egilsstöðum og Hallormsstað komst hitinn í 23 stig. Síðustu daga hafa verið góðir víðast hvar og  lítur út sem svo verði einnig næstu daga.

Þetta er kærkominn uppbót fyrir kuldana í maí. Mér finnst þessi tími, seint á vorin og snemma sumars, kannski besti tími ársins. Birtan og kyrrðin er aldrei meiri. En vorkuldar geta spillt þessari upplifun. Það gerðist svo sannarlega í maí. En nú er hún komin þessi sæta snemmsumarsstemning.

Hún er svo róandi.  

Athugasemdir

[Fishandchips, 9.6.2007 kl. 23:44]

ditto

[Kleópatra Mjöll Guðmundsdóttir (IP-tala skráð) 11.6.2007 kl. 17:33]

var akkurat að lofyngja þá staðreynd að geta verið léttklædd á göngutúrum mínum hér í bæ ... svo er bara að vona að hitinn að austann fari að kíkja í heimsókn hér á höfuðborgarsvæðinu

[gerður rósa gunnarsdóttir, 12.6.2007 kl. 14:04]

Það eru greinilega allir sofnaðir.

[Svava frá Strandbergi , 12.6.2007 kl. 21:09]

Sefandi segirðu, ég hef nú aldrei verið eins uppveðruð. Sló allan blettinn í gær og rakaði enda brakandi þurrkur. Var svo í sólbaði í dag og er orðin smábrún enda getur maður ekki farið kríthvítur í sólarlandaferð.

[gerður rósa gunnarsdóttir, 12.6.2007 kl. 22:51]

Heyrðu heyrðu Svava; róa sig aðeins niður núna, mátt ekki lyfta litlaputta, í mesta lagi liggja smá í sólbaði (ætli Sigurður laumist til að sóla sig smávegis?) ;)

[Svava frá Strandbergi , 13.6.2007 kl. 20:18]

Satt mælir þú Zoa verð að róa mig niður svo bakið bili ekki á ný. Það má ekki gerast.