Gleymdi einu

Um daginn þegar ég var að horfa á Kiljuna. Ég er sem sagt algjörlega ósammála Páli Baldvin um það að bækurnar um raunvísindin mættu missa sig, eða eitthvað í þá áttina,  í lærdómsritaflokki Bókmenntafélagsins. Mér finnst raunvísindabækurnar, Afstæðiskeningin eftir Einstein, Ljósið eftir Feynman, Ár vas alda eftir Weinberg og Saga tímans eftir Hawking, langbestu bækurnar, aðallega vegna þess að þær fjalla um eitthvað raunverulegt eftir bestu þekkingu eðlisfræðinnar.

Það sem segir í hugvísindabókunum, öll þessi hátimbraða heimspeki sem allir toga svo og teyga, finnst mér eiginlega annars flokks í eðli sínu.

Það má hins vegar ef til vill finna að því að gefa út með fárra ára millibili Uppruna tegundanna eftir Darwin og svo ágæta endursögn Þorvaldar Thoroddsen á þeirri bók. 

Dægilegt var svo að keppast við að skrifa um tónlist í gamla daga á DV undir menningaritstjórn Páls Baldvins. Enn þá dægilegra var þó að strita undir Tótu pönk eftir að hún varð menningarbossinn á blaðinu.

En þeir dagar eru liðnir og koma aldrei aldrei aptur.     

Athugasemdir

[Lára Hanna Einarsdóttir, 3.2.2008 kl. 14:27]

Hvernig fannst þér viðtalið við Slavoj Zizek? Ég sat dáleidd og hlustaði. Tók þáttinn upp til að hlusta aftur við tækifæri.

[Sigurður Þór Guðjónsson, 3.2.2008 kl. 14:36]

Þetta fannst mér nú um Zizek.

[Lára Hanna Einarsdóttir, 3.2.2008 kl. 14:36]

Æ, ég sé núna að við erum ekki að tala um sama þáttinn.
Ég á við þennan: http://dagskra.ruv.is/streaming/sjonvarpid/?file=4355349

[Lára Hanna Einarsdóttir, 3.2.2008 kl. 14:39]

Mér er alveg sama hvort hann flytur hingað eða ekki og um handapatið (tókstu eftir handapatinu á Agli sem smitaðist svakalega?)...  Þér hlýtur að hafa fundist eitthvað um hugmyndir hans, öðru trúi ég ekki upp á þig.

[Sigurður Þór Guðjónsson, 3.2.2008 kl. 14:56]

Ég hef bara ekki hugmynd.

[Lára Hanna Einarsdóttir, 3.2.2008 kl. 15:03]

[ábs (IP-tala skráð) 4.2.2008 kl. 00:31]

En svo getur heimspeki orðið ansi áhrifamikil og afdrifarík, og já áþreifanleg, þegar bækurnar heita Frelsið eða Kommúnistaávarpið. Jafnvel bara Tilvistarhyggja er mannúðarstefna. Svo mælti Zaraþústra. Og svo framvegis og svo framvegis. Kenningar sem breyta heiminum rétt eins og raunvísindin.

[Hildigunnur Rúnarsdóttir, 4.2.2008 kl. 00:49]

þín er saknað sem tónleikakrítikers (eins og ég var að enda við að kommenta hjá Þórdísi)

[Sigurður Þór Guðjónsson, 4.2.2008 kl. 01:59]

Ábs: Satt segir þú. Hildigunnur: Og ég sakna Myrkra músikdaga frítt!