Mali að fermast

Ég er að pæla í hvað kettir eru gamlir miðað við menn. 

Á netinu er ýmislegt um þetta. Gallinn er bara sá að upplýsingunum ber ekki saman. Á einni síðu er sagt að eins árs köttur jafngildi 16 árum í mannsævi en önnur síða segir 21 ár.

Hvað skyldi vera hið rétta í þessum efnum?

Mali minn er nú orðinn 8 mánaða og sex daga og mun því fermast í vor. 

Ég ætla að láta ferma hann því ég ég hef alið hann upp i strangri hlýðni og kristilegri auðsveipni. 

 

Athugasemdir

[Lára Hanna Einarsdóttir, 1.3.2008 kl. 17:43]

Hver framkvæmir athöfnina? Jón Valur?

[Greta Björg Úlfsdóttir, 1.3.2008 kl. 17:45]

Hvurs lags forsjárhyggja er þetta?

Ég hélt að kötturinn ætti að fá að taka svo alvarlega ákvörðun sjálfur?

[Sigurður Þór Guðjónsson, 1.3.2008 kl. 17:46]

Kisulórurnar mínar! Í stað þess að iðka háð og spé reyniði heldur að svara brennandi spurnignum mínum um æviskeið katta versus manna.

[Sigurður Þór Guðjónsson, 1.3.2008 kl. 17:48]

Kristileg kenning gjörir ráð fyrir algjörri auðsveipni við guðsorð. 

[Lára Hanna Einarsdóttir, 1.3.2008 kl. 17:50]

Ég veit ekkert - nákvæmlega ekkert - um æviskeið katta versus manna. Þegar ég átti tíkina var mér sagt að hvert hundsár væru sjö mannár. Samkvæmt því var hún Gerpla mín 84 ára í mannárum þegar hún dó. Meira veit ég ekki um þetta málefni og úttala mig því ekki frekar um það.

Mér finnst hinsvegar athyglisvert að þú skulir ætla að láta ferma Mala og hef miklar áhyggjur af kristilegu uppeldi hans.

[halkatla, 1.3.2008 kl. 17:51]

miðað við mannsár er árið hjá köttum 7 ár, annars væru þeir alltof ungir þegar þeir færu frá okkur en meðalævilengd þeirra er alveg 10 ár, eða eitthvað þar um bil, amk. Ég hef aldrei heyrt aðrar tölur en 7 kattaár fyrir 1 mannsár og veit um ketti sem hafa orðið 20 ára, frænka mín átti einn.

[Sigurður Þór Guðjónsson, 1.3.2008 kl. 17:58]

Mér skilst að um fyrsta árið gildi aðrar reglur, eins árs kisa sé ekki sjö ára heldur eldri en eftir árið sé eitt ár á móti sjö. 

[halkatla, 1.3.2008 kl. 18:02]

já reyndar það gæti verið, en kettir eru líka rosalega mis bráðþroska. Þegar þeir eru orðnir þriggja ára finnst mér þeir samt komnir aftur svona um tvítugt, eru þá loksins orðnir pínu rólegir, sumir

[gerður rósa gunnarsdóttir, 1.3.2008 kl. 18:09]

Kisustelpur geta orðið óléttar upp úr 6 mánaða, svo já; fyrsta árið er öðruvísi.
En annað áhugaverðara: Hvað ert þú gamall í kattaárum?

[Sigurður Þór Guðjónsson, 1.3.2008 kl. 18:20]

Já, ef ég kynni að leggja saman þá yrði mér ekki skotaduld að svara. Ég get bara svarað:  Ég er afar gamall og vitur eftir því. En Mali er þá örugglega kominn á fermingaraldur. En hvað skyldi Mió heitinn hafa orðið gamall?

[Baldur Fjölnisson, 1.3.2008 kl. 18:32]

Þetta er nú ekki línulegt samband milli aldurs manna og katta framan af ævi kattarins en jafnast þó út með aldrinum og gæti ég trúað að árs gamall köttur væri sirka 15 ára í mannárum og síðan

2 ára - 25 ára

4 ára - rúmlega þrítugur

6 ára - fertugur

9 ára - rúmlega fimmtugur

12 ára - hálfsjötugur

16 ára - áttræður

21 árs - hundrað ára 

[Sigurður Þór Guðjónsson, 1.3.2008 kl. 18:45]

Kannski að ég sé tæplega 11 ára fressköttur. Það þykir nú varla mjög fínt nú á okkar dögum. Flestum slíkum er búið að lóga.  

[Vilhjálmur Örn Vilhjálmsson, 1.3.2008 kl. 19:10]

Mér sýnist að Mali sé gyðingur. Óvitrir kettir munu koma og færa honum mús, lím og firru.  Hann sér  við því.

Gerður Rósa: "Kisustelpur" ..... . Er það ekki það sem hérna áður fyrr voru kallaðar læður?

[halkatla, 1.3.2008 kl. 21:16]

10 ára fresskettir eru sumsstaðar í heiðri haldnir, enda á það að vera þannig, og maður talar nú ekki um læðurnar sem stjórna margar heilu heimilunum fram í háa elli. Kettirnir eru amk miklu þroskaðri en við og ráða betur við flestar aðstæður. Kettlingarnir eru bara sannir gleðigjafar

ég veit samt ekki alveg með hið strangkristilega uppeldi Mala, en ég ætti ekki að segja mikið þarsem ég hef þegar ákveðið að Karítas eigi að verða prestur...

[Siggi (IP-tala skráð) 1.3.2008 kl. 22:49]

Taflan hjá Baldri hér á undan er nálægt því sem ég hef heyrt um aldur katta, 15 ár í fyrsta mannsárinu, 7 ár í öðru ári og svo 4 ár fyrir hvert mannsár eftir það.

Og talandi um ketti, það er kattasýning hjá Kynjaköttum 8. og 9.mars :)

[Lára Hanna Einarsdóttir, 1.3.2008 kl. 23:04]

Þú kemur þér undan því að tala um ferminguna. Maður hefur stórfelldar áhyggjur afþessu bara.

[Anna Einarsdóttir, 2.3.2008 kl. 13:03]

Þetta er forvitnileg pæling.  Köttur systur minnar lést í febrúar, 18 kattaára að aldri.  Skv. þessu hefur hann verið nálægt níræðu og ég get sagt þér í trúnaði að hann var alltof mörg kíló.

[Bjöggi (IP-tala skráð) 2.3.2008 kl. 19:39]

Hve lengi lifir meðal köttur ? : http://cats.about.com/cs/catmanagement101/f/lifespan_cats.htm

Tafla yfir hversu gamall köturinn þinn er í mannsárum: http://cats.about.com/cs/healthissues/a/agechart.htm

Svo reiknivél sem hjálpar fólki að reikna hversu gamal köturinn mans er í mannaárum: http://www.juliagreen.com/cat.asp  

[gerður rósa gunnarsdóttir, 4.3.2008 kl. 12:19]

Vilhjálmur Örn: Varðandi ´kisustelpur´.
Jú, það passar. Þetta er nýyrði yfir ´læður´. Mjög svo modern.
En það held ég að þú hafir nú alveg skilið, svo hver er meiningin með spurningunni?