Jæja þá

Við skulum bara ekkert vera að breyta nafninu á landinu.  Ísland skal það áfram heita. 

Það er mín hyggja að haust muni snemma að leggjast með frostum allmiklum og ofankomum, en vetur mun hinn harðasti verða til sjávar og sveita með kaföldum ógurlegum og jarðbönnum og alls konar öðrum bönnum og munu þá margir aðkrepptir verða og illir viðskiptis um allar sveitir. Um jafndægur munu hafísar leggjast að ströndum í hrönnum og grimmir hvítabirnir munu um landið eigra og eta upp menn suma alla sem á vegi þeirra verða, en ríða má yfir hvern fjörð og hverja vík sem á föstu bóli væri.  

Og það verður mikið riðið! 

Athugasemdir

[Hólmdís Hjartardóttir, 26.8.2008 kl. 01:16]

Gott að lesa svona jákvætt og uppbyggilegt efni fyrir svefninnþ

[Jóna Kolbrún Garðarsdóttir, 26.8.2008 kl. 01:25]

Hvaða Hvaða, er bara verið að spá nýjum frostavetri hinum mikla.  Ekki hef ég trú á því að svo verði.

[Malína (IP-tala skráð) 26.8.2008 kl. 02:06]

Við þurfum ekki að kvíða frostavetri með þetta líka afbragðs úrræði til að halda á okkur hita í frosthörkunum!  Leikfimiæfingar a la Malapabbi! 

[Ágúst H Bjarnason, 26.8.2008 kl. 06:08]

Mikið er ég feginn að þú skulir ekki ætla að breyta nafni landsins. Ég var farinn að hafa áhyggjur.

Loksins, loksins almennnilegur vetur á Íslandi!

[Sævar Helgason, 26.8.2008 kl. 09:06]

Hún leggst þungt á lífríkið þessi skyndilega lægð sem yfir okkur gengur Þessa dagana.  Nafnið á landinu ómögulegt og harðindi framundan.  Svo hækkar loftþrýstingurinn á ný og lífríkið tekur gleði sína að nýju. En það er gaman að þessu og pistlarnir þínir góðir-- takk fyrir það.

[Jenný Anna Baldursdóttir, 26.8.2008 kl. 09:25]

Ég er að drepast úr kulda og mér er alveg sama hvers vegna, ofnarnir eru bilaðir.

[halkatla, 26.8.2008 kl. 10:48]

bara svo lengi sem bangsarnir fá nóg að borða þá er ég sátt

[Sigurður Þór Guðjónsson, 26.8.2008 kl. 10:50]

Bara að þeir borði ekki Kassí og Karítas!

[Marta smarta, 26.8.2008 kl. 12:21]

Svo mörg voru þau orð. 

Þá er bara að draga fram gömlu góðu Kraft-gallana og brosa upp í veðrið. 

Það vorar alltaf aftur, ekki satt.

[halkatla, 26.8.2008 kl. 15:25]

ég veit allt um það :

29.ágúst Höfuðdagur – Stór dagur. Hér bregður vanalega veðráttu og helst þá við það sama í 20 daga en minnir á það í heila 40 daga eftir Egidiusarmessu.
veðrabreytingin helst fram að réttum eða uþb þrjár vikur.

[halkatla, 26.8.2008 kl. 15:26]

fyrir þá sem muna hvernig veðrið var á sunnudaginn:

24.ágúst Bartólómeusarmessa – fyrirboði um það sem haustið ber í skauti sér.

[Sigurður Þór Guðjónsson, 26.8.2008 kl. 17:18]

Þar fáið þið það!

[alva (IP-tala skráð) 27.8.2008 kl. 00:48]

Það var svakaleg rigning hérna hjá mér á sunnudaginn, aldrei séð annað eins á þessu svæði....shit..verður það þá svoleiðis....en það var hlýtt :)

[Sigurður Þór Guðjónsson, 27.8.2008 kl. 01:08]

Það verður verra!

[Gulli litli, 27.8.2008 kl. 02:00]

Verður ridid mikið í Danmörku?

[Malína (IP-tala skráð) 27.8.2008 kl. 02:29]

Danirnir eru mjög flinkir við alls kyns leikfimiæfingar...

[Sigurður Þór Guðjónsson, 27.8.2008 kl. 10:29]

Eru menn að lesa eitthvað annað út úr þessum þjóðlega texta en ástæða er til? Hver sér náttúrlega sjálfs síns hug í því sem hann les!

[Jón Halldór Guðmundsson, 27.8.2008 kl. 11:50]

Gott að vita að veturinn verður ljúfur þó veður verði óvægin.