Davíð er þá búinn að brjóta bankaleyndina

Davíð Oddsson ætlar ekki að skýra viðskiptanefnd Alþingis frá því hvers vegna Bretar beittu hryðjuverkalögum gegn Landsbankanum og ber bankaleynd fyrir sig. Ef sú leynd er svona mikilvæg þá hlýtur hún líka að hafa náð til þess að seðlabankastjóri minntist yfirleitt á það opinberlega að hafa nokkra vitneskju um hvers vegna Bretar beittu hryðjuverkalögunum gegn bankastofnun.

Davíð Oddson er því augljóslega búinn að brjóta bankleyndina nú þegar. 

Það lýsir kannski best því samblandi af ráðleysi og gerræði sem nú ríkir í landinu að menn í hans stöðu skuli komast upp með slíkt háttarlag án þess að nokkur fái rönd við reist eða reyni það einu sinni. Menn láta bara gott heita.  

Davíð ber fyrir sig bankaleynd

Athugasemdir

[Magnús (IP-tala skráð) 4.12.2008 kl. 11:36]

Hárrétt athugað Sigurður. Það sama og ég hugsaði. Ég vona að nefndarmenn viðskiptanefndar hafi spurt hann þessarar augljósu spurningar.

Smjörklípan hans í viðtalinu við danska blaðið á væntanlega að draga athyglina frá hinu augljósa. Hann hefur gerst sekur um brot á þessari bankaleynd sem hann uppljóstraði sjálfur um í ræðu hjá Viðskipatráði.

[Elín Sigurðardóttir (IP-tala skráð) 4.12.2008 kl. 11:47]

Ég skora á alla heiðarlega bankastarfsmenn að mölbrjóta þessa bankaleynd. Það væri þjóðþrifaverk.