Er þetta þá ekki svo alvarlegt brot?

''Við ákvörðun refsingar Guðmundar var litið til ungs aldurs einnar konunnar og þess að brotin beindust að konum sem höfðu leitað í brýnni neyð eftir meðferð vegna vímuefnaneyslu og ákærði hefði fært sér það í nyt með ófyrirleitni.'' 

Svo segir Hæstiréttur. Þetta virðast vera mjög alvarlegar sakir. Samt fær sakborningurinn aðeins tveggja og hálfs árs fangelsisdóm. Hann var reyndar sýknaður af einni ákærunni sem héraðsdómur hafði fundið hann sekan fyrir. En hvað ætli refsiramminn sé rúmur fyrir hin brotin þrjú?

Ég er ekki meðmæltur hörðum refsingum en er það ekki með svívirðilegri brotum að meðferðaraðili notfæri sér aðstöðu sína gagnvart skjólstæðingum sínum? Ber ekki að dæma eftir því?

Forstöðumaður Byrgisins dæmdur í 2½ árs fangelsi

Athugasemdir

[Brjánn Guðjónsson, 4.12.2008 kl. 18:58]

svo virðist sem horft sé einungis á verknaðinn sem slíkan, en alvarleikinn ekki metinn með tilliti til þroska eða andlegs ástands fórnarlambs, s.s. þegar í hlut eiga börn eða einstaklingar sem eru andleg flök.

sveiattan

[María Kristjánsdóttir, 4.12.2008 kl. 19:37]

En á ekki að dæma líka þá menn sem kusu að velta fremur peningum inní Byrgið heldur en að byggja upp almennilega samfélagsþjónustu fyrir þessar konur?

[Sigurður Þór Guðjónsson, 4.12.2008 kl. 19:52]

Það er í sjálfu sér önnur pæling María. En auðvitað var það fyrir neðan allar hellur að ausa fé í þessa trúardellu.  

[Lára Hanna Einarsdóttir, 4.12.2008 kl. 23:53]

Já, það er líkast til önnur pæling - en ekki skárri en hinn glæpurinn og ég segi Sveiattan! eins og Brjánn.

[Ólafur Ingi Hrólfsson, 4.12.2008 kl. 23:59]

Þessi dómur er hneyksli - það er með ólíkindum að þessi ..... skuli sleppa svona vel. Svo vogar Hæstiréttur sér að stytta fangelsisdóminn. Skítt með peningana en hefur dómurunum nokkuð komið til hugar líðan stúlknanna? Eða aðstandenda þeirra? Hefur þessum dómurum nokkuð komið í huga að Guðmundur dæmdi þær til ævilangrar refsingar fyrir það eitt að vera veikar og það að treysta honum. 2 ár -------  30-40-50 ár - hver er dómur stúlknanna? eða 60 ár.  Þetta er til háborinnar skammar og er smánarblettur á Hæstarétti.

[Vilhjálmur Örn Vilhjálmsson, 5.12.2008 kl. 07:21]

Tönn fyrir tönn og lim fyrir lim, segi ég, en hver skal höggva?

Dómar útrásavíkinganna sem settu okkur öll í gapastokk með handjárn, fótjárn og klaufjárn, eftir að hafa troðið sér inn í okkur að aftan meðan við vorum í vímu, verða vonandi hærri. Þá fæst örugglega einhver til að höggva.

[Malína (IP-tala skráð) 5.12.2008 kl. 09:33]

Pant vera fremst í biðröðinni og höggva fyrst þegar útrásarvíkingarnir verða hoggnir í spað...

[Vilhjálmur Örn Vilhjálmsson, 5.12.2008 kl. 10:10]

Malína, ertu sadó ? , að minnsta kosti ertu ekki dipló  og kannski ertu algjörlega sækó

[Malína (IP-tala skráð) 5.12.2008 kl. 10:16]

Ha?  Ég er bara sæt og krúttleg og sexý.

Og jú, okei - pínu sækó líka...

[Jenný Anna Baldursdóttir, 5.12.2008 kl. 11:27]

Mildur dómur fyrir grafalvarlegt brot. 

Hvað skyldi hann svo fá fyrir peningasvindlið?

Mér kæmi ekki á óvart að sá dómur yrði hærri.

[Sigurður Þór Guðjónsson, 5.12.2008 kl. 11:49]

Jenný: Ég óttast að þú eigir kollgátuna. Póstútrásarvíkingur: Þú manst að á þessari síðu gilda hin sérhönuðu og ströngu faríalög um siðsemd í öllum greinum. Þú mátt því ekki koma svona eitilharður aftan að okkur með liminn og tennurnar.

[Æsir (IP-tala skráð) 5.12.2008 kl. 13:19]

Prestur var um Daginn Sýknaður

Eða Perri var um daginn sýknaður af perraskap

Kveðja

[Sigurður Þór Guðjónsson, 5.12.2008 kl. 13:48]

Æsir: Þú ert á villigötum. Sýknun segir að menn séu ekki sekir af ákærunni sem lögð var fram. Dómur Hæstaréttar staðfestir sekt en spurningin er hvaða augum, með tilliti til refingar, menn líta það athæfi þegar meðferðaraðilar svíkja skjólstæðinga sína og misnota þá. Hvernig eigi að refsa fyrir slíka SÖK. 

[Vilhjálmur Örn Vilhjálmsson, 5.12.2008 kl. 15:13]

Sigurður, fylgist þú ekkert með. Það er meira en ár síðan ég var æruverðugur póstur að hendast upp í 400 rifur með allsendis ónytsamar sendingar eins og reikninga og ruslapóst í tonnatali.  Ég sagði upp og hélt þá vestur á Firði þar sem ég gróf holur. Síðar lá leiðin til Hollands, og það er ekki í frásögur færandi, og svo var ég að vinna á Vestursjálandi um tíma, en þeir áttu enga peninga til að borga mér. Svo nú er ég postpost án úníforms og nokkurra nothæfra tittlinga, og geri ekkert annað en að fylgjast af mikilli angist með löndum mínum, hremmingum þeirra og versnandi siðum.

En dóni er ég, og það verður ekki skafið af mér með teskeið.