Til hvers?

Er verið að draga menn eins og Kristján Loftsson hvalfangara í Kastljós?

Hann er gjörsamlega ófær um að ræða eitt né neitt á málefnalegan hátt. Hann hrópar bara skammaryrði. Hann virðist heldur ekki skilja að nú snýst málið ekki bara um réttmæti eða skynsamleika þess að leyfa hvalveiðar eða ekki heldur líka um réttmæta eða óréttmæta stjórnunarhætti. 

Nú hef ég enga heita skoðun á hvalamálinu en mér finnst að í umræðuþætti eigi að velja menn sem geta rætt málin af sæmilega skynsamlegu viti.

 

 

Athugasemdir

[Malína (IP-tala skráð) 29.1.2009 kl. 00:05]

Ég hef einmitt oft hugsað þetta sama um akkúrat þennan mann!

Kristján Loftsson er meiriháttar ógeðfellt mannkerti og hugsar eingöngu um sinn eigin (gull)rass.

[Sigurður Þór Guðjónsson, 29.1.2009 kl. 00:17]

Mér finnst hann reyndar krúttlegur á sinn hátt en hann kann ekki að ræða málin.

[Malína (IP-tala skráð) 29.1.2009 kl. 00:32]

Svo er hann líka kvalræði fyrir hvalina.  Ætli þeim finnist hann vera krúttlegur?

[Lára Hanna Einarsdóttir, 29.1.2009 kl. 00:42]

Mikið er ég innilega sammála þér, Siggi... og Malínu reyndar líka. En krúttlegur er hann ekki.

[Hak (IP-tala skráð) 29.1.2009 kl. 00:55]

Tilgangurinn er eins og verður fram að kosningum að hleypa upp umræðunni, að koma úr jafnvægi. Tilgangurinn skal helga meðalið.

[Heimir Örn Hafsteinsson (IP-tala skráð) 29.1.2009 kl. 06:26]

Mér fannst Kristján ótrúlega góður í gær og hló ég mikið af honum en Sigursteinn Máson ómálefnalegur og allt illa röggstutt, og endalausar getgátur um hvað muni gerast.    Hingað til hefur ekkert gerst af því sem þeir hafa spáð.

[Vilhjálmur Örn Vilhjálmsson, 29.1.2009 kl. 09:17]

Stjórnmálamenn eru allir hvalir, kvalarar, og kvalræðisdýr. Hvalkjöt er gott í kattamat. Spurðu Mala.

[Ingimar Eggertsson, 31.1.2009 kl. 00:33]

Sigursteinn Máson var mjög ómálefnalegur og var mest allt bull sem hann sagði. Og þegar Kristján spurði hann kvað um þá 13000 sem eru atvinnulausir. Þá svaraði Sigursteinn það er ekkert á bakvið þessar fullyrðingar þínar. Með öðrum orðum honum er sama um alla þá sem eru atvinnulausir. Og á að banna suma menn í kastljósi? Mér fannst Kristján mjög málefnalegur og ekkert að þessu.