Allt búið

Í gær varð mesti hiti á landinu 19,5 stig á Þingvöllum. Í nótt fór frostið þar niður í 2,4 stig. Loftið er mjög þurrt. Þetta er dægursveifla upp á 22 stig. Á þessari stundu er 12 stiga hiti á Þingvöllum.

Hitinn á landinu er reyndar að detta niður. Það er bara svona sæmilegt þar sem best lætur en ekki hægt að tala um nein sérstök hlýindi. Á stórum hluta landsins hefur reyndar verið að kólna jafnt og þétt í eina fimm daga.

Hitinn hefur hvergi náð 20 stigum í þessu hlýindakasti og er því ekki hægt að segja að um hitabylgju hafi verð að ræða. Einna best hefur til tekist á suðvesturlandi. Dagurinn í gær sló dægurhitamet fyrir Reykjavík líkt og dagurinn þar á undan.

En þetta er sem sagt búið. Það var hvort sem er bara verið að hita upp fyrir rigningarsumarið mikla 2009! 


« Síðasta færsla | Næsta færsla »

Athugasemdir

1 Smámynd: Emil Hannes Valgeirsson

Rigningarsumarið mikla er rétt handan við hornið. Einn af alverstu júnímánuðum í Reykjavík kom einmitt árið 1988 eftir sambærileg hlýindi í maímánuði eins og þú rifjaðir upp um daginn.

Emil Hannes Valgeirsson, 18.5.2009 kl. 13:20

2 Smámynd: Lára Hanna Einarsdóttir

Þegar þið talið um rigningasumar, strákar... eigið þið þá við hér suðvestanlands eða verður rigning um allt land?

Lára Hanna Einarsdóttir, 18.5.2009 kl. 14:40

3 Smámynd: Sigurður Þór Guðjónsson

Stundum er rigningaarsumar víðast hvar en aðallega er ég að tala um rigningarsumur á suðurlandi. Þá er oft gott fyrir norðan.

Sigurður Þór Guðjónsson, 18.5.2009 kl. 14:46

4 Smámynd: Lára Hanna Einarsdóttir

Já, einmitt... Ég hef nefnilega hugsað mér að skottast norður á Strandir og síðan austur með Norðurlandi. Vonandi verður ekki mjög mikil rigning á þeim slóðum því ég verð í tjaldi.

Lára Hanna Einarsdóttir, 18.5.2009 kl. 14:48

5 Smámynd: Sigurður Þór Guðjónsson

Norlenska sumarrigningin er miklu svalari en sunnlenska rigningin.

Sigurður Þór Guðjónsson, 18.5.2009 kl. 14:59

6 Smámynd: Emil Hannes Valgeirsson

Ég hef annars verið að hræða fólk í vinnunni með því að boða rigningarsumar að þessu sinni, og þá aðallega vegna þess að fólk tekur svo mikið mark á manni þegar kemur að veðri. Í rauninni á aldrei að taka mikið mark á svona veðurspádómum nokkra mánuði fram í tímann, en rigningarsumar kæmi mér þó ekkert á óvart.

Emil Hannes Valgeirsson, 18.5.2009 kl. 15:16

7 Smámynd: Sigurður Þór Guðjónsson

Rigningarsumarið 2009 klikkar ekki!

Sigurður Þór Guðjónsson, 18.5.2009 kl. 16:04

8 Smámynd: Emil Hannes Valgeirsson

Vitanlega ekki. Þó verða færri ísbirnir en venjulega, nema kannski einhverjir norður á Ströndum.

Emil Hannes Valgeirsson, 18.5.2009 kl. 16:39

9 Smámynd: Lára Hanna Einarsdóttir

Kannski maður fari með vopn á Strandir í sumar. Kunnið þið að búa til teygjubyssu, strákar? 

Lára Hanna Einarsdóttir, 18.5.2009 kl. 21:59

10 Smámynd: Svava frá Strandbergi

Það skal verða sól í allt sumar.

Svava frá Strandbergi , 19.5.2009 kl. 13:03

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

 

Sigurður Þór Guðjónsson
Sigurður Þór Guðjónsson

Sigurður Þór Guðjónsson


Hér er skrifað sjálfum mér til dálítillar skemmtunar. Þetta er líka síða áhugamanns um veðurfar. Veðurefnið er í flokkunum Íslensk veðurmet og Veðurfar, að ógleymdum annála-bálkinum. Vek sérstaka athygli á EFNISYFIRLITI UM VEÐUR í flokkunum hér fyrir neðan, MÁNAÐARVÖTKUN VEÐURSVEÐUR UM ALLAN HEIM

 

Innskráning

Ath. Vinsamlegast kveikið á Javascript til að hefja innskráningu.

Hafðu samband