Það hefur þegar kólnað

Nú gerist sama sagan og eiginlega alltaf þegar óvenjuleg hlýindi ganga yfir. Þeim lýkur og við tekur bara venjulegt veður í hlýrri kantinum. Í fréttinni segir að muni kólna þegar líður að vikunni. En það hefur þegar kólnað þar sem hlýjast er frá því sem verið hefur síðustu daga. Bara þó nokkuð.

En í þessu nánast venjulega veðri heldur fólk áfram að tala eins og áfram sé eitthvað sérstakt að gerast. 

Það má segja að þetta gerist undantekningarlaust við þessar aðstæður. Reyndar er oft eins menn taki ekki almennilega við sér fyrr en mesta veðurblíðan er liðin hjá en fara þá að lofa venjuleikann fram út öllu hófi. 

Auðvitað er áfram gott veður á suðvesturlandi. En það er hætt að vera einhver sérstök veðurblíða.


mbl.is Útlitið bjart næstu daga
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Lára Hanna Einarsdóttir

Ég finn mikinn mun á hitastiginu í gær og í dag. Hvort sem er úti á svölum í sólinni eða við norðugluggann í vinnuherberginu. Þar kemur fjári svalur næðingur inn um gluggann.

Svo þetta er rétt hjá þér að því frátöldu að heiðskírt og sól vil ég telja til veðurblíðu þótt hitastigið lækki eitthvað.

Blessuð sólin elskar allt... 

Lára Hanna Einarsdóttir, 18.5.2009 kl. 14:46

2 Smámynd: Sigurður Þór Guðjónsson

Ég er að tala um eitthvað sem er sjaldgæft. Það er sjaldgæft að sé sól og

ol 

Sigurður Þór Guðjónsson, 18.5.2009 kl. 14:55

3 Smámynd: Sigurður Þór Guðjónsson

og 17 stiga hiti á þessm árstíma en miklu algengara að sé sól og 12 stig. Þetta er mikilvægur munur þegar talað er um sérstaka veðurblíðu.

Sigurður Þór Guðjónsson, 18.5.2009 kl. 14:56

4 Smámynd: Lára Hanna Einarsdóttir

Já ok... skil þig. 

Lára Hanna Einarsdóttir, 18.5.2009 kl. 16:10

5 Smámynd: Steingrímur Helgason

Ég er eiginlega á því að með tímanum nái ég sátt við speki þá að það kólni eftir hlýindi.

Steingrímur Helgason, 18.5.2009 kl. 20:04

6 Smámynd: Sigurður Þór Guðjónsson

Ég er ekki að tala um það að ekki kólni eftir hlýindi heldur að talað sé um að hlýindi ríki áfram eftir að þau eru liðin hjá.

Sigurður Þór Guðjónsson, 19.5.2009 kl. 10:28

7 Smámynd: Sigurbjörn Sveinsson

Mér finnst ég einhvern veginn "lost" á þessum vef. Hvað varð um handhaldið?

Sigurbjörn Sveinsson, 27.5.2009 kl. 21:12

8 identicon

Totally lost!?!   Vefurgáttin eða hvað?  confused smiley #17484

EE elle (IP-tala skráð) 27.5.2009 kl. 21:50

9 Smámynd: Sigurbjörn Sveinsson

Að blogga er eins og að slá hljóm á píanóið, bara einn hljóm. Sá, sem hefur tóneyra,heyrir marga yfirtóna; við hin vitum að þeir eru þarna.

Það eru athugasemdirnar.

Sigurbjörn Sveinsson, 27.5.2009 kl. 22:31

10 Smámynd: Sigurbjörn Sveinsson

Sergei Rachmaninoff skrifaði ungur sinfóníu, sem hlaut afleitar viðtökur. Hann gekk í gegnum miklar andlegrar þrengingar eftir það eins og þú veist miklu betur en ég. Ég veit ekkert merkilegra en þá músík, sem varð til hjá honum eftir það. 

Ég þekkti ágætan geðlækni, sem undi ekki við neitt annað en reglufestu barrokksins. Hann lagði fæð á rússneska tónlist þessa tíma. Sjálfsagt hefur hún veið of óróleg eða öllu heldur rómantísk til að veita honum hvíld frá amstri hversdagsins. Við, þú og ég, sem siglum á lygnum sjó sálarlífsins, vitum, að örvun óróleikans, erting spennunnar, skapar oft eitthvað nýtt.

Mér finnst þú ættir að glíma við þá staðreynd, þó ekki væri nema dagstund. 

Sigurbjörn Sveinsson, 27.5.2009 kl. 22:48

11 Smámynd: Hólmfríður Pétursdóttir

Ég tek undir með Sigurbirni, mig vantar fastan punkt í blogglífinu og sakna færslanna þinna.

Hólmfríður Pétursdóttir, 30.5.2009 kl. 00:02

12 identicon

Hér er komið alkul.

Malína (IP-tala skráð) 31.5.2009 kl. 21:49

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

 

Sigurður Þór Guðjónsson
Sigurður Þór Guðjónsson

Sigurður Þór Guðjónsson


Hér er skrifað sjálfum mér til dálítillar skemmtunar. Þetta er líka síða áhugamanns um veðurfar. Veðurefnið er í flokkunum Íslensk veðurmet og Veðurfar, að ógleymdum annála-bálkinum. Vek sérstaka athygli á EFNISYFIRLITI UM VEÐUR í flokkunum hér fyrir neðan, MÁNAÐARVÖTKUN VEÐURSVEÐUR UM ALLAN HEIM

 

Innskráning

Ath. Vinsamlegast kveikið á Javascript til að hefja innskráningu.

Hafðu samband