Nú er sumar, gleðjist gumar

Gaman er í dag! Sól og blíða. Ég var í gönguferð um vesturbæinn. Við Pétursbúð á Ægisgötu var búið að setja upp borð og fólk fékk pylsur og gos. Ekkert tilefni. Bara sólskinsskap og lífsgleði.

Mali er fjúkandi vondur yfir icesave-reikningunum og segist ekki borga neitt. En ég nenni ekkert að hlusta á hvæsið í honum og vera reiður honum til samlætis. Er þetta ekki bara óhjákvæmilegt? Hvað á að gera? 

Í dag ætla ég bara að vera glaður og kátur og horfa á þegar næstbesta fótboltalið í heimi skíttapar fyrir 92. besta liði í heimi.

Athugasemdir

[Malína (IP-tala skráð) 6.6.2009 kl. 16:59]

  Þú segir fréttir - er Malalingurinn orðinn alveg fjúkandi og rjúkandi?!  Verður ekki einhver að reyna að hugga piltinn?  Hann er jú einn af þeim sem mun erfa framtíðina hérna á þessu náskeri sem núna er orðið að brunarúst eftir útnáraníðingana alræmdu.

[Sigurður Þór Guðjónsson, 6.6.2009 kl. 17:19]

Það er best að flengja bara piltinn fyrir bévítans óþægðina í rassgatinu á honum alltaf hreint. 

[Hneykslaða Malína (IP-tala skráð) 6.6.2009 kl. 17:22]

Nimbus þó!!! 

[Hólmfríður Pétursdóttir, 6.6.2009 kl. 17:25]

Útnáraníðingur er flott orð yfir þá sem eiga mesta sök á því hvernig komið er fyrir okkur Íslendingum.

Ég þekkti mann sem nú er látinn sem átti kött sem er farinn sömu leið, en þeir vinirnir fóru saman út að ganga í Fossvogsdalnum. Sá ferfætti fylgd þeim tvífætta án mikilla útúrdúra og saman komu þeir heim.

Er Mali inniköttur?

[EE elle (IP-tala skráð) 6.6.2009 kl. 17:41]

Hvað með gamla orðið þjófar?

[Hólmfríður Pétursdóttir, 6.6.2009 kl. 18:13]

Þjófar eru þeir, en orðið nær varla yfir verðmæti sem fáir skilja hvað eru mikil. Sauðaþjófur, skartgripaþjófur, tölvuþjófur, bílaþjófur það skil ég en  ekki  miljarðaþjófur.

[Finnur Bárðarson, 6.6.2009 kl. 19:24]

Nói segir líka nei og sendir baráttu kveðjur til Mala

[EE elle (IP-tala skráð) 6.6.2009 kl. 19:35]

Milljarða-þjófar passar.  Mali og Nói sögðu það. 

[Hólmfríður Pétursdóttir, 6.6.2009 kl. 20:09]

Líklega er það rétt, en útnáraníðingur er gott orð um þá sem hafa valdið því að peningar fólks hafa horfið. 

Kettir vita sínu viti.

[Eygló, 6.6.2009 kl. 20:10]

Burtséð frá "útrásar"-einhverju. Þá eru þessir menn bæði níðingar og svíðingar. Óska eftir viðeigandi orðum yfir óviðeigandi þjóðfélagsþegna.

[Malína (IP-tala skráð) 6.6.2009 kl. 22:18]

Að tala um útrás í tengslum við þessa þrjóta og níðinga er löngu orðið úrelt.  Enda voru þeir aldrei í neinni útrás í þeirri merkingu orðsins.  Þetta voru allan tímann bara sjónhverfingar með ránsfenginn sem þeir stálu frá þjóðinni.  Þeir voru með féð í  hringrás sem stöðugt vatt upp á sig - hring eftir hring eftir hring inni í stórri bólu.  Sem svo auðvitað sprakk á endanum.  En ekki framan í níðingana sjálfa - heldur framan í okkur almenning sem nú þurfum að blæða fyrir hringekjubólurnar.

Sveiattan.   Ég held ég sé að verða fjúkandi reið honum Mala til samlætis.

[EE elle (IP-tala skráð) 6.6.2009 kl. 22:27]

Mjá-já. 

[Malína (IP-tala skráð) 6.6.2009 kl. 22:29]

Útnáradólgar!! 

Hrrmmmffff...

[EE elle (IP-tala skráð) 6.6.2009 kl. 22:32]

Auðrónar:
http://agbjarn.blog.is/blog/agbjarn/entry/849085/

[Hólmfríður Pétursdóttir, 6.6.2009 kl. 22:57]

Það er blíðan.

[EE elle (IP-tala skráð) 7.6.2009 kl. 00:01]

Ó, gott veður, glaður gumar!?!   Við kunnum okkur ekki. 

[Eygló, 7.6.2009 kl. 03:17]

"Auðrónar" held ég að ég noti héðan í frá