Esjan orðin hvít

Það mátti ekki seinna vænna að skaflinn í Gunnlaugsskarði í Esju hafi horfið í gær. Nú er fjallið orðið alhvítt niður í miðjar hlíðar. Klukkan 18 var hitinn í Hreppunum 1 stig og ekki kæmi á óvart þó snjór verði á jörðu í fyrramálið á láglendi á suður-og vesturlandi. Í dag gekk á með hagléljum í Reykjavík. 

Tímaspursmál er hve nær  frýs í Reykjavík og það getur hæglega komið snjór fyrir mánaðarlok.  Það hefur aðeins gerst árin 1926, 1954 og 1969 að snjó hafi fest í borginni í september.

Það er nánast móðgun við náttúrulega dómgreind að kenna þetta veðurlag þegar ekki er lokið september á einhvern hátt við blíðu eins og gert hefur verið.

Bjartir dagar í kjölfar svona ískalds vestanskots eru eitthvert hvimleiðasta kuldaástand sem getur komið á þessum árstíma.

Athugasemdir

[Jón Steinar Ragnarsson, 26.9.2009 kl. 19:47]

Hér á Siglufirði snjóaði í fjöll s.l. nótt og í dag gekk á með blautlegum éljum í byggð.

[Guðmundur Júlíusson, 26.9.2009 kl. 20:05]

Já, hér í Norðlingaholti um kl 18 skall á þetta flotta haglél, og spái ég því að í kvöld og í nótt muni snjóa!

[Ólafur Þórðarson, 29.9.2009 kl. 06:28]

Móða á gleraugunum. Ellimerki?

[Sigurbjörn Sveinsson, 30.9.2009 kl. 22:36]

Og virðist enn hvít, þó snjóinn hafi tekið upp fyrir löngu.

[Kama Sutra, 1.10.2009 kl. 09:00]

Er Nimbusinn týndur og tröllum gefinn?

[Emil Hannes Valgeirsson, 1.10.2009 kl. 09:47]

Nimbusinn gæti verið frosinn.

[Ómar Valdimarsson (IP-tala skráð) 2.10.2009 kl. 00:20]

Þú ættir að flytja í Kópavoginn, Sigurður. Ekki snjóaði hér í dag - og yfirleitt aldrei fyrr en í desember!

[Birna Katrín Halldóttir (IP-tala skráð) 6.10.2009 kl. 13:39]

Sæll,

 Var að lesa gamalt blogg hjá þér og sá góða færslu um fordóma heilbrigðisstarfsmanna gagnvart geðsjúkum. Ég tók eftir að þú vitnaðir í stóra rannsókn sem gerð var á sálfræðingum, læknum og hjúkrunarfræðingum og þar sem að ég er að leita mér að heimildum um þetta efni þá langaði mér að vita hvar þú fannst þessa rannsókn.

 Bestu kveðjur

Birna 

[Sigurður Þór Guðjónsson, 6.10.2009 kl. 14:07]

Nú verð ég að leita Birna en er ekki viss um að ég finni. Þessi færsla er ekki lengur inni enda var hún flutt sem erindi á ráðstefnu og þá vitnar maður munnlega í heimldir. Er ekki viss um að ég finni frumheimildina lengur en skal reyna. 

[Birna Katrín (IP-tala skráð) 6.10.2009 kl. 14:23]

Sæll Sigurður,

 Takk fyrir skjót svör, frábært ef þú fyndir hana enda er ég í miklum vandræðum að finna góðar rannsóknir en ef það tekst ekki þá þakka ég bara samt fyrir.

Bestu kveðjur 

 Birna 

[Sigurður Þór Guðjónsson, 6.10.2009 kl. 21:48]

Ég vitnaði ekki beint í rannsóknirnar Birna en vísaði á kynningu Steindórs J. Erlingssonar á þeim sem birtust einhvers staðar en ég man ekki hvar. Steindór gæti frætt þig um þetta. Rannsóknin var um viðhorf geðheilnrigðisstarfsfólks til sjúklinga sinna.

[Sigurbjörn Sveinsson, 9.10.2009 kl. 23:43]

Nú hefur annálaveður gengið yfir fullt með bloggtilefnum. Og Nimbus hímir undir vegg í fullkomnu afskiptaleysi.

Það er átakanlegt.

Hvað snertir okkur frekar en ótaminn landsynningur?

[Sigurður Þór Guðjónsson, 10.10.2009 kl. 00:16]

Ég ligg undir feldi. Reyndar er of mikið úr þessu veðri gert eins og öllum öðrum veðrum síðustu árin en alvöru ofviðri hefur ekki komið í mörg ár.

[Kama Sutra, 10.10.2009 kl. 01:10]

Malapabbi - til hamingju með hrukkuna sem var að bætast við!