Fjósgola

Það var lítið varið í fjósgolu þessa sem gekk yfir Reykjavík.

Almennilegt ofviðri hefur ekki komið í höfuðstaðnum síðan ég man ekki hve nær. 

Athugasemdir

[Kama Sutra, 10.10.2009 kl. 01:31]

Fjósgola.

Ég held að þetta hljóti að vera nýyrði...

[Sigurbjörn Sveinsson, 10.10.2009 kl. 01:52]

Hvort sem það er nýyrði eður ei þá er það allrar athygli virði. Er síðasta sterkviðrið þegar þakið fauk af Hekluhúsinu við ofanverðan Laugaveg á sjöunda áratugnum?

[Sigurður Þór Guðjónsson, 10.10.2009 kl. 15:03]

Fjósgola er ekki nýyrði.

[Sigurður Sveinsson, 10.10.2009 kl. 21:52]

Þetta var líka óttalega ræfilsleg gjóla hér á Selfossi. Svona smáprump bara. Ekkert varið í svona veður.

[Guðrún Markúsdóttir, 11.10.2009 kl. 10:25]

Mig minnir að það hafi verið frekar vont veður í Reykjavík 3. febrúar 1991.  Hvað er fjósgola mörg vindstig?

[Kama Sutra, 11.10.2009 kl. 18:51]

OK.  Hvað þýðir þá fjósgola?

Ég finn þetta ekki í minni orðabók (Menningarsjóðs, önnur útg. 1983);  ekki heldur á Googlinu.

[Kama Sutra, 11.10.2009 kl. 19:01]

... ekki heldur á Vísindavefnum.

[Sigurður Þór Guðjónsson, 12.10.2009 kl. 00:11]

Fjósgola er gola sem heldur að hún sé stormur eða uppskafningur sem heldur að hann sé alvöru karl í krapinu.

[Kama Sutra, 12.10.2009 kl. 01:22]

Flott og sniðugt orð, fjósgola.

Í framhaldi af þessu legg ég til orðið Fjósdólgur yfir uppskafninga þá og auðróna sem stundum eru nefndir útrásarvíkingar.

[Kama Sutra, 12.10.2009 kl. 01:30]

Fjósdólgur gæti líka verið notað yfir þá sem eru pólitískir vindhanar og lýðskrumarar.

Nóg af þeim þessa dagana...

[Sigurður Þór Guðjónsson, 12.10.2009 kl. 11:15]

Á einum stað i Íslenskum aðli eftir Þórberg Þórðarson notar höfundurinn orðið á sérlega fyndinn hátt um mann sem var mikill á lofti en var í rauninni skræfa. Líklega hefur hann ekki smíðað orðið en þekkt það annars staðar frá en hann var mikill orðasafnari. Fjósdólgur er hins vegar örugglega nýyrði sem mér líst vel á. 

[Kama Sutra, 13.10.2009 kl. 19:26]

Svo ég haldi áfram með nýyrðasmíðina:  Flórdólgur er alls ekki verra orð en fjósdólgur.  Sömu merkingar.