Ekki enn komið frost í Surtsey

Um miðjan maí var sett upp sjálfvirk veðurstöð í Surtsey. Það er nú eina veðurstöðin á landinu þar sem enn hefur ekki mælst frost þetta haustið. Lægstur hefur hitinn orðin 0,6° þ. 4. október en hæstur 16,5° þ. 24 ágúst. 

Veðurstöðin er aðeins i 36 metra hæð yfir sjávarmáli, fjórum metrum lægra en veðursstöðin í Vestmannaeyjabæ.

Enn hefur ekki fest snjó í Surtsey ef marka má veðurvefmyndavél Veðurstofunnar.

Nú er spáð kólnandi veðri og líklega mun frjósa í Surtsey á mánudag eða þriðjudag. En eftir spánum er samt hugsanlegt að hún sleppi því aðeins er þá gert ráð fyrir eins stigs frosti í Vestmannaeyjum.

Myndin er tekin af Sigmari Metúsalemsyni og er af heimasíðu Surtseyjarfélagsins. 

Athugasemdir

[Pálmi Freyr Óskarsson, 28.11.2009 kl. 18:15]

Það snjóéljaði Í Surtsey og Heimaey aðfaranótt 24. nóvember. Enn Stórhöfði slapp alveg við það.

Úrkoma þessa nótt (kl. 18-09) var 1,6 mm. í Surtsey, Vestmannaeyjabær 0,8 mm. og á Stórhöfða var enginn úrkoma.

[Hildur Helga Sigurðardóttir, 29.11.2009 kl. 16:11]

Hvernig sem viðrar þá er vonandi búið að leggja þeirri hugmynd að gera Surtsey að ferðamannastað.