Mali fjögurra ára í dag

Í dag er stjörnukötturinn Mali fjögurra ára.

Sú var tíðin að hann var alþekktur í bloggheimum og átti sér fjölmarga hysteríska aðdáendur í öllum heimshornum.

En upp á síðkastið hefur hann forðast sviðsljósið enda hefur hann fengið sig fullsaddan af frægðinni og þeim söguburði, rógi, öfund og illmælgi sem henni fylgir.

Þó Mali sé kominn af allra léttasta skeiði er hann þó enn  feiknarlega grimmur og harðskeyttur og athyglin og einbeitnin alltaf jafn eiturskörp. Þetta sést glögglgega á efstu myndinni sem tekinn var fyrir örfáum dögum. 

En Mali getur líka verið spakur og horft á heiminn úr sínum upphæðum. 

Á velli er hann ætíð sperrtur og merkilegur með sig með sitt  ótrúlega langa skott enda veit hann vel af verðleikum sínum.

Og enn er hann ekki kominn út úr skápnum. Það er alltaf hans uppáhaldsstaður.

Ef smellt er nokkrum sinnum á myndirnar verður afmæliskettið Mali larger than life

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Athugasemdir

[Emil Hannes Valgeirsson, 25.6.2011 kl. 21:07]

Til hamingu með Mala. Hann er stórglæsilegur þarna í glugganum. Kannski að gá til veðurs?

[Kama Sutra, 25.6.2011 kl. 22:11]

Malinn með gimsteinaaugun á ennþá sína hysterísku aðdáendur sem gleyma honum ekki svo glatt.

Svartur sólargeisli sem auðgar tilveruna. 

[Óskar Helgi Helgason (IP-tala skráð) 26.6.2011 kl. 13:49]

Heill og sæll; Sigurður Þór !

Til hamingju; með þessi tímamót, í lífi ykkar fóstra.

Með beztu kveðjum; sem jafnan /

Óskar Helgi Helgason - og ferfætlingarnir, á heimilinu 

[Svava frá Strandbergi , 27.6.2011 kl. 12:04]

Til hamingju með Mala The Magnificent!

Kveðja frá Svövu frænku og Dáð Tító og Gosa frænda.

[Vilhjálmur Örn Vilhjálmsson, 28.6.2011 kl. 05:23]

Danmerkurdeild vina Mala sendir sínar innilegustu hamingjuóskir.

Ekkert er meira viðeigandi þessa dagana en að senda myndir af hrjáðum köttum. Ég get alveg gert mér í hugarlund hvað nunnan hefur gert þessum ketti.

[Sigurður Þór Guðjónsson, 28.6.2011 kl. 10:40]

Vilhjálmur þó! Gættu tungu þinnar í Jahve nafni!

[Vilhjálmur Örn Vilhjálmsson, 30.6.2011 kl. 07:19]

Sé á mbl.is, http://www.mbl.is/frettir/innlent/2011/06/30/ovanalegur_junimanudur/

að þú hefur sett Mala í píanótíma. Staccato e pizzicato.

[Sigurður Þór Guðjónsson, 30.6.2011 kl. 12:18]

Mali er orðinn virtúós á píanó og spilar Liszt alveg listavel. Furioso meira að segja.

[Sigurður Þór Guðjónsson, 30.6.2011 kl. 12:24]

Og við Mali erum nú alltaf fjarsakalega ábúðarfullir og veðurvitalegir og ekki til að spauga með!