Afhverju Þórunn?

Ný skýrsla Vísindanefndar um loftslagsbreytingar var að koma út og ég hef þegar sett hana inn á tölvuna mína en ekki þó lesið hana að ráði. Mér sýnist þó í fljótu bragði að þar sé svo sem ekkert sem kemur á óvart. Það er að hlýna og hlýnunin hefur ýmis konar áhrif, sum slæm en líklega miklu fleiri jákvæð, svo sem fyrir landbúnað.

Þórunn Sveinbjarnardóttir umhverfisráðherra sagði áðan í sjónvarpinu að við þyrftum að reyna að sporna gegn hlýnuninni. Ýmislegt mælir svo sem með því. En dæmið sem hún tiltók var út í hött. Hún sagði að auðvitað vildum við halda í jöklana okkar en það væru líkur á að t.d. Langjökull myndi hverfa á næstu öld með áframhaldandi hlýnun.

En er það endilega neikvætt að jöklarnir hverfi? Hvað er svona neikvætt við það?

Lengst af í sögu þjóðarinnar voru jöklarnir minni en núlifandi fólk hefur kynnst. Fór þjóðin þá einhvers mikils á mis sem lifði fyrir 16. öld? 

Kæmi nú önnur hafísár (en þegar þau voru held ég að Þórunn hafi enn verið með bleyju)  sem stæðu í þrjátíu ár myndu jöklarnir aftur byrja að sækja í sig veðrið.

Væri það jákvætt? 

Það sætir furðu að þetta jöklaflipp skuli vera helstu rök umhverfisráðherra fyrir því að við þurfum að sporna gegn frekari hlýnun. 

Mig grunar annars að á næstunni munu fjölmiðlar og fleiri verða duglegir að benda á neikvæðar afleiðingar hlýnunarinnar í þessu kalda og viðbjóðslega landi en leiða jákvæðu afleiðingarnar hjá sér.

En afbragðs góð tíð og sumarhlýindi  gera það nú alveg þolanlegt! 

Athugasemdir

[Hólmdís Hjartardóttir, 6.8.2008 kl. 21:17]

þAÐ VÆRI NÚ GAMAN AÐ SJÁ HVAÐ ER UNDIR JÖKLUNUM

[Jón Aðalsteinn Jónsson, 6.8.2008 kl. 23:49]

Málið er það þarf skatta til að skapa því fólki vinnu sem að mentað hefur sig í málum umhverfisins því er byrjað á alt til fjandans áróðri svo hægt sé að auka álögur á hinn almenna mann sem að hefur þó ekkert unnið sér annað til saka en að reyna að hundskas í vinnuna sem er í dag ekki það vel borguð að hann hafi efni á hybrid bíl Þetta hefur meira að gera með skatta heldur en umhverfisvernd þegar umbúðirnar eru fjarlægðar

[Jón Aðalsteinn Jónsson, 6.8.2008 kl. 23:49]

Gleymdi einu það hefur marg komið fram að undir jöklunum eru mannvistarleifar eftir fólk sem einhvernvegin gat skriðið undir þá til búsetu

[María Kristjánsdóttir, 7.8.2008 kl. 00:42]

Nú þykir mér þú heldur betur þrengja sjónarhornið. Hvað með aðrar afleiðingar á  lífríkið? Hvað með hinn hluta heimsins?

[Sigurður Þór Guðjónsson, 7.8.2008 kl. 00:48]

María. Ekki vera vond við mig! Ég er bara að tala um Ísland út af fyrir sig. Farðu svo að blogga! Og gerðu oftar snjallar athugasemdir hjá mér!  

[Sigurður Þór Guðjónsson, 7.8.2008 kl. 13:57]

Já, Árni Finnsson er strax byrjaður að bollaleggja um neikvæðu áhrifin og langt út fyrir sjálfa skýrlsuna. Dæmigert fyrir afstöðu hans. Hann nefnir auðvitað ekki jákvæðu áhrifin.   

[halkatla, 8.8.2008 kl. 03:47]

jöklarnir hverfa ef sá er Guðs vilji - hvernig ætlar Þórunn að keppa við það?

[Ásgeir Kristinn Lárusson, 8.8.2008 kl. 08:54]

Ég myndi hafa meiri áhyggjur af jöklabréfunum, sem t.a.m.falla á gjaldagi í dag og á næstunni. Gæti orðið sannkallað „meltdán“...

[Sigurður Þór Guðjónsson, 8.8.2008 kl. 09:33]

Með allri virðingu fyrir geimgaldrakarlinum þá held ég að hopun jöklanna hafi ekkert með hann að gera en kannski eitthvað með athæfi mannanna!

[halkatla, 8.8.2008 kl. 11:57]

ég trúi ekki á þannig hókus pókus Sigurður Þór