Þurrkar

Það er engin ástæða til að gera frétt úr því þó örlítið næturfrost geri einhvers staðar á landinu um miðjan ágúst. Slíkt gerist svo oft að það er ekki tiltökumál. Svo er þetta sett upp eins og nú sé að kólna og eiginlega haustið að koma.  

Í júlí voru tvær frostnætur í byggð og aðra nóttina á mannaðari veðurstöð. Báða dagana fór hitinn vel yfir 20 stig mest á landinu. Í júní voru 14 frostnætur. 

Næturfrost hefur mælst gegnum árin á einhverri mannaðri veðurstöð alla daga í júlí og ágúst. Þetta geta menn til dæmis séð á veðurdagatalinu sem er á þessari bloggsíðu undir Síðum. 

Þegar (sjálfvirkar) veðurstöðvar eru orðnar eins margar og nú er má búast við að næturfrost mælist ansi oft.

Þessi frost núna eru ekki til vitnis um að neinir kuldar séu komnir til landsins eða þeir séu yfirvofandi. Það er bara útgeilsun í björtu og kyrru veðri sem veldur. Þvert á móti hefur ágúst verið með þeim hlýrri það sem af er.

Hitt er aftur á móti eitthvað til að tala um að ekki hefur síðan í síðustu viku júlí mælst nein úrkoma í Ásgarði í Dölum, á Vestfjörðum og sums staðar í Skagafirði. Nú er hins vegar gert ráð fyrir rigningu á næstunni víðast um land.

Frostið bítur kinnar á nóttunni

Athugasemdir

[Lára Hanna Einarsdóttir, 13.8.2008 kl. 16:18]

Ég lenti í næturfrosti í útilegum í júlí 1985 og 1988.

"Þegar sjálfvirkar veðurstöðvar eru orðnar eins margar og nú er má búast við að næturfrost mælist ansi oft."

Af hverju eru meiri líkur á að næturfrost mælist á sjálfvirkum stöðvum? Eru mælingar framkvæmdar öðruvísi á þeim?

[Sigurður Þór Guðjónsson, 13.8.2008 kl. 16:23]

Það er fyrst og fremst fjölgun veðurstöðva sem veldur því að líkurnar aukast fyrir mældum frostum. Því fleiri veðurstöðvar því betur er hitafar landsins dekkað. Og fjölgun veðurstöðvar er öll í þeim sjálfvirku. Hinar eru eiginlega að deyja út.

[Lára Hanna Einarsdóttir, 13.8.2008 kl. 16:27]

Jamm, ég skil - lógískt.

Annars finnst mér þú ekki sýna 1. mgr. 1. aths. næga umhyggju. Var mér kalt? Já. Veiktist ég? Já, í seinna sinnið. Var næturfrostið notalegt? Nei, kalt.

O.s.frv. 

[Sigurður Þór Guðjónsson, 13.8.2008 kl. 16:49]

Já, var þér ekki voðalega kalt Lára? En líttu á björtu hliðarnar. Þig kól ekki og slappst við að verða aflimuð á öllum fjórum. 

[Jenný Anna Baldursdóttir, 13.8.2008 kl. 18:13]

Lára Hanna svaka heppin.

Er það öruggt að það fari að rigna Sigurður?

[halkatla, 13.8.2008 kl. 21:11]

það rigndi nokkrum dropum á Kassöndru í dag og hún varð brjáluð

[Sigurður Þór Guðjónsson, 13.8.2008 kl. 21:19]

Nú gjöri ég athugasemd af því ég var einmitt á kíkja á athugasemdirnar til að sjá nýjustu athugasemd. Kassandra er pjattrófa.

[Malína (IP-tala skráð) 13.8.2008 kl. 22:17]

Kominn tími á nýja Malafærslu.  Með myndum og alles.

[Didda, 14.8.2008 kl. 00:19]

Uss við lifum á Íslandi.......og höfum það veruleg gott miða við forfeður okkar sem bjuggu í torfkofum og höfðu ekki markísur gaslampa og allt það sem við getum valið um í dag, erum við ekki víkingar eða hvað ??  Er að bíða eftir Bratti óþæga skógarkisa hann slapp út og er........ógeldur

[alva (IP-tala skráð) 14.8.2008 kl. 00:22]

já...ég vona bara að berin skaðist ekki hjá mér hérna á norðvesturlandinu...ég var í berjamó í dag í 21 stigs hita...

[Ellismellur (IP-tala skráð) 14.8.2008 kl. 09:30]

Réttmæt og þörf ábending hjá Sigurði Þór. Ég man eftir stórhríð 17.júní 1959 og 21. júní 1958, og sumrin 1969, 1979 og 1981, tja, ég veit ekki hvað sumt fólk segði ef sambærilegt kæmi aftur!

[Vilhjálmur Örn Vilhjálmsson, 14.8.2008 kl. 15:37]

Ég er farinn að fara inn á þessa bloggsíðu fyrir vana, vegna þess að hún er ein kúltíveraðasta bloggsíða landsins. En í dag var hún heldur þurr.

[Malína (IP-tala skráð) 14.8.2008 kl. 17:00]

Er of dónalegt að segja þurrkuntuleg?!

[Sigurður Þór Guðjónsson, 14.8.2008 kl. 17:05]

Örvæntið eigi! Þrumur og eldingar eru yfirvofandi!

[halkatla, 14.8.2008 kl. 21:03]

hvar eru faríagæslumennirnir núna?

[Sigurður Þór Guðjónsson, 14.8.2008 kl. 21:22]

[halkatla, 15.8.2008 kl. 11:08]

farnir í frí??

[Sigurður Þór Guðjónsson, 15.8.2008 kl. 11:32]

Þeiru eru að brýna axirnar og herða hengingarólarnar.

[halkatla, 15.8.2008 kl. 12:15]

noh, nú lýst mér á

[Malína (IP-tala skráð) 15.8.2008 kl. 22:44]

Er Mali farinn að fikta í bloggfærslunum hérna?!   Ég get svo svarið það að ég athugasemdaðist við bloggfærslu sem var hérna fyrr í kvöld - en er nú horfin!  Eða var þetta bara martröð...

[Vilhjálmur Örn Vilhjálmsson, 16.8.2008 kl. 00:13]

Hefur Gestapo eða Faríaliðið verið hjá þér í dag Sigurður? Mér fannst vera fullt af færslum um spanking og annað kynkilegt hér fyrr í dag, eða dreymdi mig bara? Eitthvað var líka um að olía hefði fundist norður í landi.

[Sigurður Þór Guðjónsson, 16.8.2008 kl. 00:35]

Faríapo hefur gert ýmsar færslur upptækar og tekið Mala í gíslingu!

[Sigurður Þór Guðjónsson, 16.8.2008 kl. 01:04]

Draumarnir þínir Vilhjálmur!

[Lára Hanna Einarsdóttir, 16.8.2008 kl. 01:24]

Eins gott að maður skrifaði ekki einhverja ódauðlega speki í athugasemdir upptæku færslnanna!

[Sigurður Þór Guðjónsson, 16.8.2008 kl. 11:33]

Lára: Allar þínar athugasemdir eru að vísu ódauðlegar! Hitt er annað mál að sumir taka niður bloggið sitt með öllu sem á því er. Það ættu sem flestir að gera því fæstar bloggsíður eru þess virði að lesa þær. Alltof margar athugasemdir eru líka illkvittnar og andstyggilegar. Það er líka algjör ofgnótt af bloggi. Bloggið er að verða einhver versta fíkn og löstur þjóðarinnar. Ekki sist Moggabloggið, lágkúrulegasta fyrirbrigði á jörðunni eftir syndafallið. Niður með bloggið!

[halkatla, 16.8.2008 kl. 12:22]

allt frá því að ég hætti næstum að blogga og var tekin af forsíðunni þá hefur moggabloggið breyst í synda- og sorabæli!