Vítisenglar og útrásarpúkar

Vítisenglarnir fengu ekki að koma til landsins. Þeir eru víst glæpamenn. Samt eru þeir frjálsir menn með enga dóma á bakinu hér á landi. Alveg eins og útrásarvíkingarnir. 

Útrásarvíkingarnir  fá samt að valsa inn og út úr landi eins og þeim sýnist. Enda frjálsir menn með enga dóma á bakinu.

En af tvennu illu finnst mér mér samt Vítisenglarnir sannkallaðir himnaríkisenglar í samanburði við helvítis útrásarvíkingapúkana. 

Það er annars eitthvað bogið við réttlætishugsun dómsmálaráðuneytisins og stjórnvalda yfirleitt.

Hvað varð um byltinguna? 

Athugasemdir

[Svavar Alfreð Jónsson, 6.3.2009 kl. 20:19]

Þetta er munurinn á útrásarvíkingum annars vegar og innrásarenglum hins vegar.

[ASE (IP-tala skráð) 6.3.2009 kl. 20:19]

Erfitt að bæta neinu við þetta :-)

[Offari, 6.3.2009 kl. 20:31]

Eru ekki Vítisenglar í umsvifamiklum viðskipum eins og útrásarvíkingarnir?

[Malína (IP-tala skráð) 6.3.2009 kl. 21:23]

Ég held að helvítis fokking útrásarvíkingarnir séu hættir að þora að koma til landsins.  Eiga það á hættu að verða grýttir í spað hérna.  Þeir halda sig í vellystingum erlendis með ránsfenginn sem þeir höfðu af íslensku þjóðinni.

Kannski vítisenglarnir séu nú orðnir sendisveinar þeirra hér á landi?

[EE elle (IP-tala skráð) 6.3.2009 kl. 21:28]

Akkúrat, útrásarvíkingana mætti prófa að loka út úr landinu.

[Eygló, 7.3.2009 kl. 03:26]

Hefði sjálf viljað þessa Lilju kveðið hafa, Sigurður!

[Hólmdís Hjartardóttir, 7.3.2009 kl. 10:45]

góður

[Lára Hanna Einarsdóttir, 7.3.2009 kl. 11:03]

Þetta er alveg hárrétt athugað, sammála!

[Hilmar Gunnlaugsson, 7.3.2009 kl. 16:09]

Mér finnst þú gera full lítið úr glæpum þessara ógeðfelldu samtaka sem ekki hafa vílað fyrir sér að myrða fólk, ræna og selja eiturlyf.

[Sigurður Þór Guðjónsson, 7.3.2009 kl. 16:18]

Ég er ekki að gera lítið úr glæpum neinna samtaka sem slíkra, reyndar ekki að taka neina afstöðu til þeirra, heldur er ég að tala þá einstaklinga sem við sögu koma og hafa fullt ferðafrelsi og hafa ekki brotið lög á Íslandi. Ég er hins vegar að gera svolítið úr því að yfirvöld ákvarði svona mál eftir hentisemi. Menn sem engum skaða hafa valdið hér á landi sé meinað að koma til landsins en menn sem valdið hafa skaða fyrir svo að segja hvert mannsbarn fá eiginlega að vaða uppi.

[Hilmar Gunnlaugsson, 7.3.2009 kl. 16:29]

Dómskerfið mun taka á efnahagsbrotum og sú vinna er nú þegar hafin. Hins vegar eru meðlimir Hells Angels tengdir glæpasamtökum sem mjög mikilvægt er að koma í veg fyrir að nái ekki fótfestu hér á landi.

[EE elle (IP-tala skráð) 7.3.2009 kl. 19:19]

Ég held það mætti halda bæði englunum og púkunum í burtu.  Ég missi engan svefn þó þessir englar komist ekki inn í landið. 

[Sigurður Þór Guðjónsson, 8.3.2009 kl. 01:34]

''Verndi þig englar elskan mín'', var ekki einhver sem orti svo?