Allsberir þingmenn

Nú er búið að afnema þá skyldu þingmanna að hafa bindi um hálsinn.

Áfram er þess krafist að þeir séu snyrtilegir. Það þýðir að þeir eigi áfram að vera í jakkafötum og svoleiðis. Ofboðslega smáborgaralegir.

En væri það ekki snyrtilegt að koma í ræðustól á þingi í glænýjum gallabuxum og leðurjakka og með hringi bæði í eyrunum og nefinu?  Nei, Það yrði víst ekki leyft. Ekki nógu snyrtilegt!

Ekki skil ég svona yfirborðsmennsku.

Hvaða máli skiptir klæðnaður þingmanna? Er það ekki ráðsnilldin við að setja landinu lög sem gildir?

Mér væri fjandans sama þó þingmennirnir væru allsberir ef einhver dugur væri í þeim að öðru leyti.

 

Athugasemdir

[Hólmfríður Pétursdóttir, 13.5.2009 kl. 20:38]

Það yrði nú misfögur sjón

[Malína (IP-tala skráð) 13.5.2009 kl. 21:09]

Jón Bjarnason allsber?   Ég er ekki svo viss...

Verst að Hilmir Snær situr ekki á Alþingi...

[EE elle (IP-tala skráð) 13.5.2009 kl. 21:15]

Yrði forsetinn tekinn alvarlega ef hann héldi opinbera ræðu með forsetum heims í ermalausm bol og skotapilsi með grænan fjaðrahatt?

[Hlédís, 13.5.2009 kl. 21:33]

EE elle!

Hvað með skoskan forseta? Væri hann ósnyrtilegur í pilsi?  Má sem sagt gaula og jarma í ræðustóli á þingi - jafnvel tefja störf þess vikum saman - en fjaðrahattur eða pils á karli færi alveg með mannskapinn?!

[EE elle (IP-tala skráð) 13.5.2009 kl. 22:17]

Nei, Hlédís, skoski forsetinn væri fínn í skotapilsi.  Og engin lítilsvirðing við Skota ætlunin.  Pilsið var mistök og ég dreg það til baka.

[Lára Hanna Einarsdóttir, 13.5.2009 kl. 22:20]

Það er nú ekki allt gáfulegt sem upp úr þingmönnum kemur í ræðustólunum á Alþingi og ekki möguleiki að taka þá alvarlega.

Horfið á þetta örstutta myndband og segið mér svo hvort þið hefðuð viljað hafa manninn nakinn í ræðustólnum við blaðrið? 

[Malína (IP-tala skráð) 13.5.2009 kl. 22:29]

Grétar Mar nakinn!!  Hjálp!! 

[Hlédís, 13.5.2009 kl. 22:47]

Setjum hann amk í pils og bol!

[EE elle (IP-tala skráð) 13.5.2009 kl. 23:27]

En hvað mennirnir eru dauðahljóðir?  Þögnin er ærandi! 

[Sigurður Þór Guðjónsson, 14.5.2009 kl. 00:29]

Hvaða menn?

[DoctorE (IP-tala skráð) 14.5.2009 kl. 07:50]

Bönnum menn í jakkafötum, treystir einhver mönnum í jakkafötum?
Hjó eftir því í gær að Tryggva alþingismanninum nýja fannst þetta ekki nægileg virðing við alþingi að vera bindislaus... sumir vita ekki vað virðing er.. telja hana felast í einhverju outfitti... kannski Tryggvi ætti að sækja það fast að fá svona klerkabúning.. eða eitthvað

[Hlédís, 14.5.2009 kl. 09:25]

EE elle!  Ég segi eins og Sigurður: Hvaða menn? Þú átt sennilega við karl-menn, því nógu mörg komment eru frá kven-mönnum

Tryggvi veit etv lítið um virðingarverða framgöngu. Varla er honum meinað að bera hálstau.

[EE elle (IP-tala skráð) 14.5.2009 kl. 12:31]

 Já, Hlédís, ég meinti sko alvöru menn, he.  

[Hlédís, 14.5.2009 kl. 12:54]

EE elle!

Ef kven-menn eru ekki "alvöru" menn - hvað eru þeir þá?

Ég tek fram að ég er ekki að stunda orðhengilshátt hér og tel þetta mikilvæga umræðu. Það er  mikilvæg staðreynd að í íslensku þýðir orðið maður meira en eingöngu karlkyns útgáfu af tegundinni!

[Sigurður Þór Guðjónsson, 14.5.2009 kl. 12:59]

Elle: En eru einhverjir platmenn í umræðunni?

[EE elle (IP-tala skráð) 14.5.2009 kl. 13:02]

Ég viissi um leið og þetta fór út í loftið að þú sæir hvað þetta var vitlaust.  Hjálp!  Við erum öll alvöru-fólk-menn.  Þó eru sum okkar að mér meðtaldri enn með aulakímni.  Hjálp, Sigurður, nú er ég búin að grafa mig niður í holu og kemst ekki upp.

[Hlédís, 14.5.2009 kl. 16:09]

Kær EE elle!

Við togum þig STRAX upp! Þó það nú væri

[EE elle (IP-tala skráð) 14.5.2009 kl. 16:27]

Ji, hvað það er gleðilegt að vita að ég þarf ekki að dúsa hér niðri lengur.   

[Sigurður Þór Guðjónsson, 14.5.2009 kl. 16:41]

Aulahúmor er bannaður á þessari streit, virðulegu og alvörugefnu bloggsíðu.

[Hlédís, 14.5.2009 kl. 19:09]

Þar höfum við það, kæra EE elle! 

Okkur sem sé útskúfað! Ha-h-h!

[Sigurður Þór Guðjónsson, 14.5.2009 kl. 19:11]

Það held ég nú.

Það er nú líkast til. 

[Malína (IP-tala skráð) 14.5.2009 kl. 19:16]

Ég vona samt að við með kvikindislega húmorinn fáum pláss hérna áfram með sníkjubloggin okkar?

[EE elle (IP-tala skráð) 14.5.2009 kl. 20:15]

Við Hlédís finnum okkur bara alvöru bloggsiðu.  Eins og með veðri og svoleiðis.  Það held ég nú. 

[Hlédís, 14.5.2009 kl. 20:22]

Det gör vi sgu, EE elle!

.

"Það er nú svo

og svo er nú það -

og svo er nú þetta fullkomnað!"