Spurning

Hvort ætli sé verra að vera ofviti eða hálfviti?

Athugasemdir

[Lára Hanna Einarsdóttir, 27.2.2008 kl. 23:15]

Ofviti.

[Sigurður Þór Guðjónsson, 27.2.2008 kl. 23:19]

Þú veist Lára að raunverulegur ofvitaháttur er afbrigði af hálfvitahætti, svo við notum nú gömlu orðin.  Ég held því að best sé að vera bara heiðarlegur hálfviti.

[Lára Hanna Einarsdóttir, 27.2.2008 kl. 23:29]

Jamm, einmitt það sem ég vildi sagt hafa!

[Elías Halldór Ágústsson, 27.2.2008 kl. 23:30]

Hvort er betra að vera með aspergers eða aspargus?

[Emil Hannes Valgeirsson, 27.2.2008 kl. 23:41]

Mjög vitræn umræða hér. En er annars ekki verst af öllu að vera ofurhálfviti?

[Lára Hanna Einarsdóttir, 27.2.2008 kl. 23:46]

Vitræn umræða er svo skemmtileg, Emil...  enda erum við Siggi bæði hálfvitar - þannig lagað séð. Ég er tortryggin gagnvart öllu sem hefur forliðinn "ofur-" þó að það þurfi ekkert að vera slæmt að vera ofurhálfviti. Þá væri maður kannski loksins fullkomlega áhyggjulaus.

Mér finnst aspargus góður matur og vel hann því.

[Marta B Helgadóttir, 27.2.2008 kl. 23:52]

Félagsleg einangrun hlýtur að hrjá ofvitana

[Sigurður Þór Guðjónsson, 27.2.2008 kl. 23:52]

Í dag át ég einmitt asparsgussúpu.

[Lára Hanna Einarsdóttir, 27.2.2008 kl. 23:53]

Ofvitarnir þora ekkert að segja eftir nýgenginn dóm. Þess vegna er öruggara að lýsa sig hálfvita strax, því hver nennir að fara í mál við þá?

Bull er þetta í okkur, krakkar! Aðallega mér.

[Sigurður Þór Guðjónsson, 27.2.2008 kl. 23:58]

En hvort er þá verra að vera hálfviti eða fáviti?

[Lára Hanna Einarsdóttir, 28.2.2008 kl. 00:02]

Annars er hér ein alvöruspurning sem tengist þýðingunni sem ég er að fást við:

Veit einhver um íslenskan orðalista yfir hugtök búddista? Hér er orðið sem ég er að leita að og skýringin:

Bodhisattva
1. einstaklingur sem er að því kominn að öðlast nirvana en neitar sér um það til að geta leitt aðra til frelsunar.
2. (í mahayana-búddatrú) maður sem fyrir dyggðar sakir er álitinn hinn verðandi búdda og andlegi mannkynslausnari.

Kannast hlustendur við að hafa heyrt íslenskt heiti á slíka manneskju?

[Lára Hanna Einarsdóttir, 28.2.2008 kl. 00:02]

Fáviti, því þá ertu alveg heillum horfinn.

[Sigurður Þór Guðjónsson, 28.2.2008 kl. 00:09]

Ég hygg að íslenska orðið fyrir bodgisattva sé einmitt fáviti. Menn þurfa að gjörast fávitar til að öðlast hugljómun.

[Lára Hanna Einarsdóttir, 28.2.2008 kl. 00:11]

Ekki bulla núna, þetta var alvöruspurning.

[Sigurður Þór Guðjónsson, 28.2.2008 kl. 00:13]

Ég var að svara í fúlustu alvöru - og núna er ég helmingi fúlari!

[Emil Hannes Valgeirsson, 28.2.2008 kl. 00:16]

Ég held að Bodhisattva sé Sigurður Þór á íslensku.

[Lára Hanna Einarsdóttir, 28.2.2008 kl. 00:18]

Þú líka, Brútus Emil...! 

[Emil Hannes Valgeirsson, 28.2.2008 kl. 00:26]

Lára, Hér er bara enginn nógu gáfaður til að svara svona nirvana spurningum. Við hér erum bara hálfvitar.

[Lára Hanna Einarsdóttir, 28.2.2008 kl. 00:28]

Ég líka, þess vegna veit ég þetta ekki.

[Ásgeir Kristinn Lárusson, 28.2.2008 kl. 00:29]

Áður en slokknar alveg á mér, þá sting ég uppá - erfðaprins - ;)))

[Sigurður Þór Guðjónsson, 28.2.2008 kl. 00:31]

Er ég þá fáviti?!

[Lára Hanna Einarsdóttir, 28.2.2008 kl. 00:33]

Ég þori ekki að nota það, Ásgeir... gæti misskilist. Svo hefur Guðríður Haraldsdóttir einkarétt á erfðaprinsum.

Nei, Siggi...  fáviti geturðu verið! Þú ert hálfviti eins og við Emil.

[Sigurður Þór Guðjónsson, 28.2.2008 kl. 00:34]

Góðir hlustendur. Dagskránni er lokið. Góða nótt. 

[Lára Hanna Einarsdóttir, 28.2.2008 kl. 00:35]

[Emil Hannes Valgeirsson, 28.2.2008 kl. 00:38]

Ég held Sigurður Þór að þú sért andlegur mannkynslausnari, kannski verðandi Búddha.

[Lára Hanna Einarsdóttir, 28.2.2008 kl. 00:42]

Ég held það líka, Emil. Siggi er bara svo lítillátur og hógvær að hann lætur ekki mikið á þessu bera. Skín í gegn endrum og eins, en það eru ekki nema innvígðir og -múraðir sem fatta hvað þetta þýðir. Eins og við.

[Sigurður Þór Guðjónsson, 28.2.2008 kl. 07:01]

Góðan daginn! Nú er ég vaknaður eldhress og illskeyttur sem aldrei fyrr. Nú má valdstjórnin vara sig! 

[Jenný Anna Baldursdóttir, 28.2.2008 kl. 07:39]

Góðan daginn.  Það er hárfín lína sem skilur á milli "of" og "hálf" þekki hana ekki enda ofvitahálfviti.

Annars er þetta stórskemmtileg umræða hérna.

[DoctorE (IP-tala skráð) 28.2.2008 kl. 10:42]

hmm ofurhálfviti er bara normið er það ekki :)

[halkatla, 28.2.2008 kl. 12:17]

það er langverst að vera bæði

[Hjörtur Hjartarson (IP-tala skráð) 28.2.2008 kl. 12:17]

En ef mar er bara óþolandi..

[rabbar (IP-tala skráð) 28.2.2008 kl. 12:27]

Er ekki hægt að segja "Háviti og Hálfviti" eða kannski "Láviti" sem væri "Hálfviti"
Ég myndi vilja vera "Háviti" eins og Sigurður Þór.

[Lára Hanna Einarsdóttir, 28.2.2008 kl. 12:31]

Jenný Anna...  þar sem margir hálfvitar koma saman, þar er gaman! Svo ekki sé talað um þegar þeir eru kominn er svefngalsi í mannskapinn og mér leiðist við vinnuna. Þá er bullað út í eitt.

Annars áttum við alveg eftir að fabúlera með forliðinn "van-" í þessu samhengi. Hér er allt ýmist of- eða van- og ekkert hálfkák.

Er valdstjórnin ekki bara vanvita, Siggi?

[Lára Hanna Einarsdóttir, 28.2.2008 kl. 12:33]

Góðir punktar hjá Villa geit og rabbar, en vantar ekki g í lávitann svo enginn misskilji og haldi að rætt sé um venjulegan vita við lá...?

Bara svona hádegispæling.

[Jóhann (IP-tala skráð) 28.2.2008 kl. 12:45]

Íbúfen eda skuldafen?

[Guðmundur Brynjólfsson (IP-tala skráð) 28.2.2008 kl. 12:50]

Mér hefur tekist að sameina í einum manni, nefnilega mér,  það að vera bæði hálfviti og ofviti. Þannig hef ég farið í gegnum lífið - með herkjum, vissulega, á stundum. Þetta fer ágætlega saman; úr verður eitthvað svona skrípi (eins og ég). Sem mér líkar misvel við - enda gegnir hálvitinn ekki alltaf ovitanum. - Af því að hann er hálviti. Og eins eru hollráð ofvitans ekki öll jafn holl hálvitanum. En að mestu er þetta stórslysalaust.

[Vilhjálmur Örn Vilhjálmsson, 28.2.2008 kl. 13:11]

Offita er ekki verri en engin fita!

[Sigurður Þór Guðjónsson, 28.2.2008 kl. 13:59]

Næsti gerðu svo vel!

[Lára Hanna Einarsdóttir, 28.2.2008 kl. 14:27]

Ég var farin að halda að þú værir úti að leika í snjónum. Sá þig fyrir mér hoppandi kátan að búa til snjókarl og engla...

Þarf að taka númer?

[Brjánn Guðjónsson, 28.2.2008 kl. 15:31]

ætli sé ekki betra, að eiga lítið af einhverju en mikið af engu?

[Júlíus Valsson, 28.2.2008 kl. 15:39]

Það hálfa væri nóg!

[Sigurður Þór Guðjónsson, 28.2.2008 kl. 15:52]

Aldrei dettur mér neitt í hug!

[Már Högnason (IP-tala skráð) 28.2.2008 kl. 15:55]

Best er að vera sérviti (idiot savant)

[Sigurður Þór Guðjónsson, 28.2.2008 kl. 16:03]

Það er það allra flottasta!

[Sigurður Þór Guðjónsson, 28.2.2008 kl. 16:05]

En allra aumast er að vera menningarviti! 

[Óskar Arnórsson, 1.3.2008 kl. 23:37]

Skelfilegt er að sjá færslurnar þegar beðið er um svör við góðri spurningu? Ég veit ekki svarið við henni. Að neita sér munað og gefa hann öðrum, dettur mér í hug. Margt fólk lifir til að hjálpa öðrum. Konan mín er Búddisti og ég er farin að verða hrifnari af þeirri trú en nokkurri annarri. Eiginlega er Búddismi ekki tilbeiðsla í sömu merkingu og Kristni. Frekar leiðbeining um hvernig á að lifa lífinu jákvætt. Að gefa öðrum af því sem maður á sjálfur, er hluti af þeirra stefnu. Sumir gefa allt sem þeir eiga til fátækra og þeir sömu gefendur líða samtímis aldrei neinn skort sjálfir...þeir hugsa líka meira um hvað þeir hafa, í stað þess að einblína á hvað þeim vantar meira. Nirvanaástandið sem þeir fara í, geta þeir farið úr aftur til að vegleiða fólk. Það er nefnilega til hærra plan en Nirvana og þeir vitrustu vita af því...einhvernvegin skil ég þetta svona..

[Óskar Arnórsson, 1.3.2008 kl. 23:48]

Það er ekkert til sem heitir ofviti. Það eru einhverjir gáfnadýrkendur og naflaskoðarar sem hafa fundið þetta orð upp. Mætti stroka út úr íslensku án þessa að skemma málið. Það eru til endalaust mikið af orðum í okkar máli sem eru bara til þess fallinn að vera leikföng handa orðadýrkendum, gáfuðum en ekkert endilega vitrum. Viska er mikið skemmtilegra orð að skoða en ofviti, fáviti eða skipaviti....vit er að vísu mælanlegt og fáviti er heilaskemmd og þeir flestir sem eru úrskurðaðir fávitar af geðlæknum, eru inn á stofnunum. Mér finnst ekki eigi að gera grín að fólki sem er heilabilað...

[Óskar Arnórsson, 1.3.2008 kl. 23:51]

Gleymdi að segja það að það er eitthvað annað orð sem læknar nota um fávita..man ekki hvað það var. Einhver latína sem ég kann ekki.

[Sigurður Þór Guðjónsson, 2.3.2008 kl. 12:15]

Það er hið ágæta orð: Ídjót!