Ingólfstorg

Þetta torg finnst mér voða ljótt og leiðinlegt. Það er svo sóðalegt eitthvað og hirðuleysislegt.

Ekki get ég séð að það versni mikið þó það verði þrengt nokkuð.

Það stendur ekki til að rífa gamla fallega Sjálfstæðishúsið við Austurvöll en hins vegar salinn þar sem Nasa er. Ekki er sú bygging augnayndi utan frá. Inn í hana hef ég hins vegar ekki komið frá því Sigtún var og hét. Þá voru þar oft sætustu stelpur bæjarins.

En nú hefur kreppan gert allar stelpur alveg ferlega súrar og sjúskaðar og þær eru ekkert sætar lengur.

Mér finnst annars að eigi að byggja hótelið  bara á  Ingólfstorgi en þar var Hótel Ísland í gamla daga áður en það brann til ösku. 

Síðan á að hefja Lækjartorg aftur til vegs og virðingar. Þessi graslagning þar í steinkeri er eitthvað það misheppnaðasta og hallærislegasta sem mönnum hefur nokkru sinni dottið í hug.

Og hefur mönnum þó dottið æði margt misheppnað og hallærislegt í hug. 

 

 

 

Athugasemdir

[Einar Karl, 5.9.2009 kl. 11:18]

Væri gaman að fá sjá teikningar og tölvuþrívíddarmyndir af þessu. Veit einhver hvort slíkt megi finna t.d. á netinu?

[Sigurður Þór Guðjónsson, 5.9.2009 kl. 11:29]

Á þessum vef má finna teikningar en ekki þrívíddarmyndir.

[Kama Sutra, 5.9.2009 kl. 15:29]

Víst erum við stelpurnar sætar ennþá!

[Kama Sutra, 5.9.2009 kl. 15:39]

... en kannski hefur sjón sumra karla daprast með aldrinum...

[Guðríður Adda Ragnarsdóttir (IP-tala skráð) 5.9.2009 kl. 21:15]

Á að selja hluta af Ingólfstorgi til einkaaðila?                                    Get ég fengið lóð á Lækjartorgi?

http://www.bin.is

HÓPUR
http://www.facebook.com/group.php?gid=126724969444

TÓNLEIKAR
http://www.facebook.com/event.php?

[Sigurður Þór Guðjónsson, 5.9.2009 kl. 21:25]

Ég er reyndar andvígur því að reisa þarna hótel. En Ingólfstorgið sjálft er sjabbí.

[Hallgerður Pétursdóttir (IP-tala skráð) 5.9.2009 kl. 21:26]

Takk. Torgið er ljótt. Svo yfirhlaðið af einhverju?..Einhver helvíti.. læti í útlitinu?

[Hildur Helga Sigurðardóttir, 6.9.2009 kl. 00:14]

Sammála því að Ingólfstorg er forljótt. Skánar þó varla við að verða sólar- (og endanlega sálarlaust) líka.

[DoctorE (IP-tala skráð) 6.9.2009 kl. 20:37]

Kisur í bónus

[Kama Sutra, 6.9.2009 kl. 20:54]

Dokksi

[Sigurður Þór Guðjónsson, 6.9.2009 kl. 20:58]

Alltaf bjargar Doksi því sem bjargað verður og rífur upp móralinn!

[Kama Sutra, 6.9.2009 kl. 21:02]

Akkúrat.  Reddar stundum deginum hjá manni.

[Ólafur Þórðarson, 7.9.2009 kl. 10:39]

Ekki breytir doksi því að torg Ingólfs hallar, er rammskakkt og þar búa vættir í formi vélhestamenna og skautabrettagríslinga að trufla eðlilegt ís- og pylsuát borgarbúa og gesta.

Bryddaði upp á svipuðu og þú Sigðurður, að Ingólfstorg dregur úr vægi Lækjartorgs. Og skondið að vernda söguna þegar Ingólfstorg var algerlega hannað til þess að endurskrifa hana. 

Þó skil ég ekki alveg talið um skugga hér eða þar. Það rignir svo mikið á Íslandi hvort eð er. 

Mjá mjá.