Brennandi spurningar

1. Eru til aðeins ein sáluhjálparleg trúarbrögð?

2. Ef svo er hvaða trúarbrögð eru það þá, með leyfi?

Ég er nú í því kastinu að óttast mjög alvarlega um sáluhjálp mína og verð því endilega að vita þetta. 

Athugasemdir

[Hólmfríður Pétursdóttir, 18.11.2009 kl. 11:57]

Ég bít á agnið. Ekki af því að ég haldi að ég hafi endanlegt svar við eilífðarspurningunni sem flestir spyrja sig líklega einhvern tíman á ævinni.

Í kennslu hafði ég þá reglu að segja nemendum mínum að það væri þeirra ábyrgð að kynna sér trúarbrögðin og taka afstöðu til þeirra.

Með því að kynna sér trú annarra eykst skilningur á hegðun fólks og allt það, sem er ekki efni þessa svars. Heldur þetta með hvernig trúarbrögðin svara tilvistarspurningum fólks.

Ég sagði og segi enn þau trúarbrögð sem svara mínum spurningum best, og eru auk þess þau sem ég andaði að mér í umhverfi mínu, eru kristindómurinn. Auk þess sem iðkun  þeirra hentar mér, enda um margar kirkjudeildir að ræða.

Með því er ekki sagt að önnur trúarbrögð (og Búddadómur)geti ekki svara tilvistarspurningum annarra  og iðkun þeirra sé þeim að skapi.

Ég get ekki minnkað Guð útilokað að hann starfi í öðrum trúarbrögðum og sinni fólki um allan heim, burt séð frá heiti trúar.

Hitt er skiljanlegt að hver trúarbrögð haldi sínu fram, og vonandi verður það einhvern tíman úr sögunni að það sé gert með því að berja á öðrum trúarbrögðum.

Svo eina ráðið sem ég kann er að treysta Guði fyrir sjálfri mér í lífi og í dauða og sætta mig við að ekkert af þessu öllu er hægt að sanna,og orðalag trúarrita er fornt og erfitt nútímafólki.

Þetta er enginn smá afli sem þú fékkst á þennan öngul, en vonandi lítur þú ekki á þetta sem ódrátt.

[Húsari. (IP-tala skráð) 18.11.2009 kl. 12:16]

Ekur nú mjög að hjá þér, Sigurður, um
velferð og sáluhjálp.

Skemmsta og auðveldasta leiðin er einfaldlega að lýsa
því yfir að sjálfur sértu Avatar eða sá er séð hefur Guð;
að þú sért ekkert minna en spámaður.

Hætt er þó við því að þessi lausn mundi vart endast þér
lengi, tæpast 2 klukkutíma.
Því er ekki hægt annað en að ráðleggja þér kristni og
Biblíulestur í 3 tíma á degi hverjum sem og að kynna þér
það stílbragð Gyðinga að lesa á milli línanna.
Ekki er þetta síðasta sett fram af einhverri gamansemi
heldur er sá misskilningur sem uppi er um flest
það er Biblían inniheldur tilkominn vegna þess að
mönnum hefur ekki verið kennt að lesa þessa ágætu bók.

Ef þetta bregst með öllu þá er ekkert annað fyrir þig að gera
en staðnæmast fyrir framan tóbaksverslunina Bristol
á Laugaveginum í 10 mínútur, dag hvern næstu 3 mánuðina,
og biðja algóðan Guð um innblástur, lakkningu og að
Heilagur Andi falli yfir þig og þú takir þér eftirleiðis stöðu
á Lækjartorgi og verðir Sigurður sá hinn sjötti er þar
prédikar mönnum til eilífs hjálpræðis.

[DoctorE (IP-tala skráð) 18.11.2009 kl. 12:30]

1. Eru til aðeins ein sáluhjálparleg trúarbrögð?
Nei þetta er allt plat og svindl

2. Ef svo er hvaða trúarbrögð eru það þá, með leyfi?
Vísa í svar við spurningu 1

Að treysta guðum fyrir sjálfum sér er að flýja sjálfa(n) sig, hætta að bera ábyrgð á sjálfum sér... að flýja raunveruleikann.
Þetta er minna gáfulegt en að senda peninga til Nígeríu..
Það sem Hólfríður er að játa trú á er eitthvað sem ógnar öllum sem trúa ekki því sama og hún... eins og meintur Sússi á að hafa sagt áður en hann þóttist fórna sér til sjálfs sín til að fyrirgefa okkur fyrir það sem við erum saklaus af: Leggist undir mig eða brennið að eilífu.

Ekki vitrænt að leggjast undir slíkar ímyndanir

[DoctorE (IP-tala skráð) 18.11.2009 kl. 12:46]

Hólmfríður ætti kannski að spyrja sjálfa sig að því hvernig hún getur lagst undir eitthvað sem hótar manneskjum pyntingum, lagst undir eitthvað sem segir að það sé með heimsmorð á sinni "samvisku", lagst undir eitthvað sem vill myrða konur sem eru ekki hreinar meyjar á brúðkaupsnótt.. og mælir með þrælahaldi..

Hvernig er hægt að horfa framhjá þessu og tala svo um ást og kærleika.. miskunn
Im asking why and how

[Jón Steinar Ragnarsson, 18.11.2009 kl. 13:55]

Ég legg til að þú hlustir á fagra tónlist og látir annað vera. Og í almáttugs bænum farðu ekki að ráðum húsarans um að fara í lagningu.

[Hólmfríður Pétursdóttir, 18.11.2009 kl. 14:06]

Stið þetta með tónlistina.

[DoctorE (IP-tala skráð) 18.11.2009 kl. 14:13]

Já fátt er betra en að hlusta á góða tónlist :)

[Húsari. (IP-tala skráð) 18.11.2009 kl. 17:54]

Nú er að taka gleði sína, Sigurður, og fara
að ráðum sálufélaga þíns og vopnabróður, DoctorE,
og henda öllum trúarbrögðum út í næsta sorpílát.
Þegar öllu er á botninn hvolft: Skiptir þetta
einhverju máli? Miklu nær að fá sér permanent!

Hentu kettinum í kolageymsluna, hitaðu púns og syngdu svo
Niflungahringinn frá upphafi til enda.

[Sigurður Þór Guðjónsson, 18.11.2009 kl. 18:15]

Ég er reyndar að hlusta á Tristan og Ísoldu. En ef ég henti Mala í kolageymsluna myndi ég upplifa Liebestod. 

[Kama Sutra, 18.11.2009 kl. 18:52]

Malinn fer ekki í neina kolageymslu!

Urrr...

[Sigurður Þór Guðjónsson, 18.11.2009 kl. 19:08]

Nei, fyrr munum við dauð liggja!

[Húsari. (IP-tala skráð) 18.11.2009 kl. 19:19]

Skil ekkert í mér, Sigurður, að skrifa
þvílíkt og annað eins um blessað dýrið.
Það verður erfitt dýrinu að fyrirgefa þessa
misgjörð og  ég hef sannfrétt það í góðum stað,
að þeir sem ekki eru góðir við dýr, fari þráðbeint og
krókalaust, beint til helvítis!

[Kama Sutra, 18.11.2009 kl. 19:26]

Annars má nú alveg fara að hvítþvo Malann.  Hann er kolsvartur sem syndin...

[Sigurður Þór Guðjónsson, 18.11.2009 kl. 19:56]

Já, ef það veður þá bara ekki kattarþvottur.