Harmleikur fremur en skrípaleikur

Það liggur í rauninni í augum uppi sem þessi kona í Ameríku sagði í Silfri Egils að kosningarnar eru bara skrípaleikur. Við vitum þetta öll þó við tökum þátt í leiknum.

Í rauninni er þetta samt harmleikur fremur en skrípaleikur. Þjóðin er í rústum og alveg ráðalaus. Ekkert afl virðist vera til í landinu sem vill horfast í augu við veruleikann. Það eru allar líkur á því að vont geti enn þá mikið versnað. 

Þetta er þjóð sem varð fyrir hruni en notar ekki tækifærið til að byrja upp á nýtt.

Það er eignlega ekki hægt að ná þessu.

Helgisögnin um heimilin

Engin staður er helgari en heimilin, segir í kosningaauglýsingu Framsóknar.

Ég gæti gubbað yfir þessum búralega smáborgaraskap  og haugalygi.

Sannleikurinn er sá að fjölskldan er mesta kúgunarstofnun sem heimurinn þekkir.

Þvílík afdalapólitík að umvefja hana einhverjum heilagleika.

 

Iss!

Þetta var þá bara lásí fíkniefnasmygl á Hornafirði. Ég hélt um tíma að þeir hefðu fundið gjöreyðingarkafbát frá Alkæída.

Hefði verið verðugt verkefni fyrir sérsveitina síðustu dagana fyrir kosningarnar! 

Já, eignlega varð ég fyrir vonbrigðum.

Ekkert að gerast neins staðar!

Hvað er að gerast á Hornafirði

Þar er allt fullt af löggum og þyrlum og eitthvað mikið að gerast en lögreglan og Landhelgisgæslan verjast allra frétta. Samkvæmt fréttum RÚV.

Er hægt að hræða fólk svona eins og ekkert sé? Verða þessar stofnanir ekki að gefa lágmarksupplýsingar til almennings?

Sorglegra en tárum taki

Hvers vegna í ósköpunum greiða framleiðendur þessarar myndar ekki börnunum sem léku í henni og sköpuðu þeim ofsagróða ekki alvöru laun fyrir leikinn líkt og Hollywoodstjörnur hefðu fengið?

Svo eru sumir að hneykslast á því að faðir skuli vera að selja dóttur sína til ættleiðingar.

Það er auðvelt að fordæma fátækt fólk.

En fordæmingin hittir þá á rangan stað. Hún á að hvíla á framleiðendum myndarinnar og jafnvel hrikalegri hræsni vesturlandabúa.

Þeir ærðust af hrifningu og tilfinningasemi yfir leik fátækra barna í myndinni en henda þeim svo strax  á eftir á sömu fátæktarruslhaugana. 

Þetta er svo sorglegt að maður missir eiginlega málið. 

Þvílít menning þessi vestræna kristna menning. 

Býður fræga dóttur til sölu

Handel

Í þessum mánuði eru 250 ár liðin frá dauða tónskáldsins Handels.

Hann samdi Messías sem flestir þekkja. Hallelúja!

Um sína daga var hann dáðasta tónskáld heimsins. Hann var samtíðarmaður Bachs.

Nú er hann óneitanlega nokkuð í skugga Bachs sem var lítt viðurkenndur meðan hann var uppi sem tónskáld þó hann væri rómaður organleikari.

Samt er Handel auðvitað einn af mestu tónsnillingum heimsins þó annar enn meiri hafi verið honum samtíma.

Eitt verk eftir hann er mér sérstaklega hugstætt.  Concerrto grosso op.6. Þetta eru tólf konsertar fyrir strengjasveit og tekur hver þeirra kringum 15 mínútur í flutningi. Slíkir konsertar voru algengir á baroktímanum.

Þessir skera sig úr öðrum fyrir ótrúlegt hugmyndaflug en þeir voru samdir á aðeins einum mánuði. 

Í gamla daga gengu séní um eins og ekkert væri.

Ef ég má segja það á okkar lágkúrulegu tímum þá þekki ég varla betra dæmi um hámenningu í tónlist en þessa konserta.

Þeir eru gæddir þeirri tign, fágun, fjölbreytni og dýpt sem eingöngu kemur fram þar sem snilldin er mest.

Þeir eru úrvalshugsun.

Menn eiga að sækja í slíka fjársjóði til að hefja hugann upp fyrir dægurþrasið, kosningahasarinn og bloggbullið. 

 

 

Vorar vel

Meðalhitinn í Reykjavík er meira en tvö og hálft stig yfir meðallagi í apríl það sem af er. Eins langt og sést mun hann halda áfram að hækka en spurning hvað gerist í lok mánaðarins.

Enn er mjög kalt fyrir norðan land. Það geta því komið kuldaköst. 

Einhvern veginn finnst mér samt eins og við fáum ekkert alvarlegt kuldakast það sem eftir lifir vors. Ég held að við fáum fimm stiga april (meðalhitinn 1961-1990 er 2.8).

Nú er líka allt orðið svo jákvætt og gott eitthvað, kosningar um helgina og fínerí og allir hamingjusamir.

Það vorar að minnsta kosti vel. Kuldatakturinn sem hefur verið síðustu mánuði er horfinn - enda gróðurhúsaáhrifin ekki af baki dottin! 

Nú á hádegi var komin 11 stiga hiti í Reykjavík!

Hér fyrir neðan má sjá veðurkort á hádegi á hlýjasta og kaldasta 18. apríl á landinu frá og með 1949. 

Munurinn er býsna mikill.

 

 

 

 

 

 

 

 

 

 

 

 

 

 

Þegar siðareglur bresta

Það sem er óhugnanlegast við þetta er  það að læknar og sálfræðingar unnu með leyniþjónustu Bandaríkjanna við að brjóta fangana niður.

Þetta minnir óneitanlega á það hvernig læknisfræðin var misnotuð herfilega af nasistum í þriðja ríki Hitlers.

Kjarni málsins er þetta sem fram kemur í fréttinni:

„Heilbrigðisstarfsfólkið sem tók þátt í verkefni CIA braut lögin og sverti þann siðferðislega grundvöll sem læknisfræðin og sálfræðin hvílir á,“ sagði Frank Donaghue, framkvæmdastjóri samtakanna Physicians for Human Rights, læknasamtaka sem berjast fyrir mannréttindum.

„Svipta á sálfræðinga og lækna sem staðnir verða að því að hafa tekið þátt í pyntingum starfsleyfi til frambúðar,“ sagði Donaghue í harðorðri gagnrýni sinni á aðferðirnar.''

Mér skilst samt að ekki verði blakað við neinum af þeim sem viðriðnir voru pyntingarnar.

En stærsta spurningin er sú hvers vegna siðareglur heilbrigðisstétta haldi ekki þó sérstakar aðstæður skapist.

Susan Boyle er sæt

Þetta er eitthvert ótrúlegasta atvik sem ég veit um.

Susan Boyle hefur líka svo fallegt bros fyrir utan það að hafa stórkostlega söngrödd.

 

Oprah býður Susan Boyle í þátt sinn

Heimska og klunnaskapur

Þessi orð forstöðumanns Húsafriðunarnefndar segja allt sem segja þarf um aðgerðir lögreglunnar. Þær voru ónauðsynlegt og óafsakanlegt skemmdarverk á menningarverðmætum.

Í útvarpinu um daginn sagði Helgi Guðlaugsson prófessor í félagsfræði að hústakan  hafi verið pólitísk aðgerð.

Það liggur í augum uppi. Hún  er andóf gegn þeirri grotnunarniður-pólitík sem auðöfl hafa látið viðgangast með hús í miðbænum. Með velþóknun eða sinnuleysi borgaryfirvalda. Meira að segja Morgunblaðið hneykslast á þeirri niðurníðslu og því virðingarleysi sem öllum borgarbúum er sýnd með henni.

Niðurrif lögreglunnar er skammarlegt athæfi og verður ekki réttlætt með því einu að hústakan hafi farið fram.

Fyrst og fremst ber hún þó vitni um heimsku og klunnaskap. Og það að lögreglan gengur í rauninni í lið með niðurníðslupólitík verktakanna. 

Sem yfiröld leggja svo blessun sína yfir.

Og enginn frambjóðandi í fremstu röð þorir að gagnrýna.

Fékk hland fyrir hjartað