Von

Ég vona að Sjálfstæðisflokkurinn eigi aldrei eftir að bera sitt barr framar.

Upprisa holdsins eða andans

Þessi boðskapur páfans er ekki nýr.

Þetta hefur nær alltaf verið hin kristna kenning. 

Enginn maður með öllum mjalla getur samt trúað henni.

Öðru máli gegnir ef menn trúa því að Jesú hafi risið upp frá dauðum í andlegum skilningi. 

 

Upprisa Jesú Krists er ekki goðsögn

Efst á baugi

Vorið er komið, og grundirnar gróa,
gilin og lækirnir fossa af brún,
syngur í runni, og senn kemur lóa,
svanur á tjarnir og þröstur í tún.
Nú tekur hýrna um hólma og sker,
hreiðra sig blikinn og æðurin fer,
hæðirnar brosa og hlíðarnar dala,
hóar þar smali og rekur á ból,
lömbin sér una um blómgaða bala,
börnin sér leika að skeljum á hól.

Í dag var ellefu stiga hiti í Reykjavík og tíu á Akureyri.

Meðalhitinn í borginni það sem af er apríl er um það bil tvö og hálft stig yfir meðallagi.

Ef þú drekkur ekki ...

Áttu ekki á hættu að veskinu þínu verði stolið af þér sofandi í ölvímu. Það tekur samt ekki ábyrgðina af  þjófnum.

Gætum okkar því vel í umgengni við áfengi.

Og alls ekki á að ala á því að menn beri ekki ábyrgð á sjálfum sér í öllum aðstæðum.

Vörumst undanlátssemi við Bakkus í hvaða mynd sem hún birtist.

Formaður Framsóknar er aumingi

Það vakti athygli að á sjónvarpsfundinum í gær hvatti formaður Framsóknarflokksins Óskar Bergsson til að opna bókhald sitt upp á gátt.

Í fréttum áðan var sagt að formaðurinn hefði afturkallað þessa beiðni. Hann ræddi víst við Óskar flokksbróður sinn sem fullvissaði hann um að allt væri í sómanum.

Flokksformaðurinn hefur gert sig að fífli og í mínum augum missir hann það traust sem ég á honum hafði.

Hélt að hann væri heiðarlegur maður með bein í nefinu.

Svo reynist hann bara vera aumingi.  

Þá er það búið

Hvað verður svo gert við fólkið? Verður það ákært og dæmt? Verður farið með það eins og glæpamenn?. Það er talað niður til þess af mörgum á bloggsíðum og það kallað öllum illum nöfnum. Bloggið er oft sannkölluð forarvilpa þar sem nafnleysingjar og aðrir eru með hvers kyns svívirðingar.

Einn eigandi hússins,  sem að vísu kemur fram undir nafni, Sigurður Theódór Guðmundsson, segir að rónarnir séu skárri en hústökufólkið. Þannig er mórallinn hjá ýmsum gegn þessu fólki. Ég segi hins vegar að Sigurður þessi, sem eflaust er þó alls góðs maklegur, sé samt ekki þess verður að leysa skóþvengi hústökufólksins. Það hefur hugsjónir.

Hvað gerði hústökufólkið af sér? Ekki réðst það inn á heimili fólks og lagði allt í rúst eins og fjárplógsmenn hafa gert  Það setti bara upp bókaverslun og ýmis næsheit í húsnæði  hverra fyrri eigendur gróðaöfl hafa leikið grátt og leika sér nú að því að láta þau grotna niður til að geta rifið þau og grætt enn þá meira. Eigendur húsa sem legið hafa á þessu lúalagi í  stórum stíl hagsmunum sínum til framdráttar komast upp með það eins og ekkert sé fyrir yfirvöldum. Og ekki er lögreglan að ónáða þá. 

Það blasir við að einhver skemmtileg starfsemi hefði verið í húsinu um tíma en ekki varanlega. Hústökufólkið hefði farið á endanum. Ekki hefði þetta átt að skemma neitt fyrir neinum. Hvað eldhættu varðar er hún líklega meiri í mannlausu húsi, þó ekki væri nema vegna hættu á íkveikju, en í húsi þar sem fyrirmyndarfólk gekk um með menningarhugsjónir.

Ég held því fram að þessi hústaka sé vottur um mikla ólgu sem kraumar undir niðri í þjóðfélaginu en kosningarnar halda í skefjum. Mörg hús eru látin grotna niður út um allan bæ og búast má við fleirum svona uppákomum og líka uppákomum af öðru tagi eftir kosningar.

Það skiptir samt kannski einhverju hvernig til tekst með stjórn landsins eftir kosningar. Mér finnst reyndar að frambjóðendur eigi að fjalla um þessa hústöku og hvað hún merkir. En ég hef á tilfinningunni að þeir séu of fínir með sig til þess. 

En menn skulu ekki halda að ekki sé ólga undir niðri í þjóðfélaginu og það er hætt við að hún komi upp á yfirborðið hve nær sem er. Átján þúsundir atvinnulausir og annað eftir því

Að hrópa þá bara um skríl er mesta heimska sem hægt er að láta sér detta í hug.

Vel á minnst. Við þessa færslu verður tekin upp sú nýbreytni að niðrandi ummælum um hústökufólkið verður miskunnarlaust eytt eins og hverjum öðrum sora. Slík skrílmennska  verður að finna sér útrás  á öðrum  bloggsíðum en þessari. En siðsamlegar athugasemdir eru velkomnar.   

Sextán handteknir

Lögreglan lætur til skarar skríða.

Nú er lögreglan að ryðjast inn í  húsið á Vatnsstíg.

Áfram hústökufólk!

Takið auðvaldsseggina hústaki!

Lögreglan er handbendi auðaflanna sem eyðilögðu hag þjóðarinnar. 

Eru lögreglumennirnir vopnaðir og munu þeir beita vopnum sínum? 

Lögregla rýmir Vatnsstíg 4

Pæling um gott og illt

Hafi guð skapað alla hluti og manninn í sinni mynd hefur hann líka skapað vilja mannsins.

Vilji mannsins getur verið illur eða góður. 

Sé hinn góði vilji í samræmi við algóðan vilja guðs ætti hann að vera ánægður.

Sé hinn illi vilji ekki í samræmi við vilja guðs getur hann sjálfum sér um kennt að hafa skapað hinn illa vilja mannsins.

Hafi hann hins vegar ekki skapað hinn illa vilja mannsins hefur hann ekki skapað alla hluti og síst af öllu manninn í sinni mynd - heldur í annarri mynd. Af því að maðurinn sem guð hefur skapað býr yfir illum vilja alveg eins og góðum.

Hvað er guð þá að nöldra.  

Nema hinn illi vilji mannsins sé hið eina sem guð hefur ekki skapað. 

 

 

 

Stend með hústökufólkinu

Það er ekki eins og hústökufólkið sé einhver óaldarlýður.

Þetta er ungt fólk sem vill fremur nota mannlaus og auð hús til menningarstarfsemi en láta þau standa auð.

Nú er að sjá hvort valdi verður beitt - til að verja engan málstað.

Hústökufólk beðið um að víkja

Múgæsing í stað þekkingar

Ég var með fyrstu mönnum sem fór að skrifa á Íslandi um kynferðisofbeldi eða áreitni gegn börnum. Það eru komin meira en 20 ár síðan.

Á þeim tíma var lítið um þau talað. Látið eins og þau væru ekki til. Þekking á eðli brotanna var engin. Þeir sem minntust á þau voru jafnvel illa séðir.

Nú tala allir um svona brot.

En þekkingin og skilningurinn á eðli þeirra, því umhverfi sem þau verða til í, hverjir fremja þau, hvernig þau birtast og svo framvegis virðist enn þá nær engin meðal almennings, að minnsta kosti þess hluta hans sem mest ber á.

Í stað þagnar og fálætis á grunni þekkingarleysis er komin múgæsing og hatur á grunni þekkingarleysis.

Saklausir menn eru jafnvel meðhöndlaðir af almenningi sem hættulegir kynferðisglæpamenn.

 

Sr. Gunnar tekur við störfum