Vondur draumur

Mig dreymir alltaf póst fyrir erfiðleikum. Í fyrrinótt dreymdi mig að port dómsmálaráðuneytisins væri yfirfullt af póstkössum og flæddi pósturinn úr þeim öllum.

Nú held ég að samfélagið hrynji og hálfgerð ógnaröld taki við.

 

Stóísk ró

Nú er eins gott að allir haldi stóískri ró en haldi samt vöku sinni svo allt endi ekki í tómri vitleysu!

Lærum af hinum göfugu fyrirmyndum!

 

 

Prófkjörsslagurinn er hafinn

Þetta er klókur leikur hjá viðskiptaráðherra. Að segja bara af sér og það af eigin hvötum og reka Fjármálaeftirlitið og allt hvað þetta hefur.  Nú kemur hann fram sem hinn ábyrgi stjórnmálamaður sem axlar þessa frægu ábyrgð.

En þó ekki fyrr en eftir að allt logar í mótmælum og búið er að ákveða að efna til kosninga.

Ráðherrann býður sig nú fram í kosningaslaginn -  og þykist heiðarlegur, ábyrgðarfullur og saklaus eins og lamb í haga.Við sjáum þó við honum. Hann er fyrst og  fremst refur í haga sem er að hugsa um eigin pólitísku framtíð en ekki almannahag.

Það er Steingrímur J. líka að gera. Hann fór geyst með að skila aftur gjaldeyrissjóðsláninu. Það gerir hann óhæfan í stjórn að flestra áliti. Nú er hann að draga í land með gasprið.

Hvers vegna? Jú, til að koma til greina í stjórn. Hann er líka fyrst og fremst að hugsa um eigin hag en ekki almannahag.

Oj bara! Burtu með þess menn af vettvangi íslenskra stjórnmála. 

Það er svo eftir öðru, og speglar vel íslenska pólitík,  að Gunnar Helgi stjórnmálafræðingur sagði áðan í aukafréttum RUV að varaformaður Samfylkingarinnar nyti greinlega ekki mikils trausts í flokknum og þess vegna gæti hann komið til greina sem eftirmaður viðskiptaráðherra til að setja plástur á sár varaformannsins, eins og Gunnar Helgi komst að orði. Þetta er eflaust rétt athugað hjá honum að innan Samfylkingarinnar hugsi þannig. Þar skipti það einhverju máli  að setja plástur á orðstír fullkomlega getulauss stjórnmálamanns. Eins og það komi almannahag eitthvað við. 

Þetta er hefbundin íslensk pólitík. Það sem við erum búin að fá algjört ógeð á. Og nú er kosningabaráttan og profkjörsslagurinn hafinn innan flokkana. Það verður geðslegur leikur þar sem hver otar fram sínum framavonum.

Almannahagur! Biðjið guð fyrir ykkur! Bara framhald af gömlu íslensku refskákspólitíkinni.  

En - í uppsiglingu er stofnun nýrra samtaka sem stefna að því að bjóða fram í öllum kjördæmum fyrir kosningarnar. 

Kannski er enn einhver von fyrir þessa þjóð.

Gömlu andlitin í öllum stjórnmálaflokkum eru hins vegar gjörsamlega vonlaus!

Fólk verður að koma öllum flokkum í skilning um það.

 

 

Afsökunarbeiðni

Það er alveg frábært þegar menn biðjast afsökunar á misgjörðum sínum. Það breytir hreinlega öllu.

Hvenær skyldu þeir sem þyngstu ábyrgð bera á þrengingum þjóðarinnar biðja hana afsökunar?

Óeirðir og mótmæli

Eftir skrifum manna á bloggi og í blöðum og málflutningi í öðrum miðlum virðast flestir vera sammála um eftirfarandi:

Að mótmælin njóti yfirgnæfandi stuðnings þjóðarinnar. Það kemur líka fram í skoðanakönnun.

Að ofbeldisgjörðirnar hafi verið drykkjulæti lítils hóps manna sem ekki tengjast hinum raunverulegu mótmælum. 

Að ofbeldi beri að forðast.

En hvernig stendur þá á þeirri tilhneigingu að furðu margir, sem efast þó jafnvel ekki um þessi fyrrtöldu atriði, spyrða samt ótæpilega saman á einhvern hátt hin almennu mótmæli og læti óeirðaseggjanna? Það kemur jafnvel fram í sumum leiðaraskrifum.

Fyrst og fremst gera það þó ýmsir bloggarar og nokkrir miklir öfgahægrimenn sem virðast standa í þeirri trú að mótmælin séu fyrst og fremst verk vinstrimanna. Það er ekki rétt. Andstaðan við núverandi valdhafa og verk þeirra er sem betur fer víðtækari en það.

Hvernig sem menn líta á málin eru samt líklega fleirum en mér órótt innanbrjósts. Það ríkir hálfgert stjórnleysi, ekki aðeins í stjórn landsins, heldur líka innan stjórnmálaflokkana. Við blasa gríðarlega erfið úrlausnarefni í stjórn landsins. Og framundan er harðvítug valdabarátta.

Þetta er ekki gæfuleg staða. Hún er samt staðreynd. Og það er vonlaust að núverandi stjórn haldi áfram þegar hún nýtur næstum því einskins stuðnings.

En hvað tekur eiginlega við? Það verður að stokka upp í öllum stjórnmálaflokkum. Fólk er búið að fá ógeð á öllu þessu gamla þreytta liði, líka forsvarsmönnum Vinstri grænna.

Að Steingrímur J. fari að stjórna landinu. Kemur ekki til mála! Ríki verður ekki stjórnað með gaspri!

Nýja menn á öllum vígstöðvum!

En þá blasir líka við að landinu verður á endanum stjórnað af fólki með litla reynslu. Það er kannski allt í lagi því þeir reynsluboltar sem ráðið hafa sigldu hvort eð er öllu í strand. Reynsla þeirra var ekki leidd af visku og umhyggju fyrir almannahag heldur eiginhagsmunum.

Annars er eins og innviðir þjóðfélagsins séu að hrynja. Það er sannarlega óhugnanlegt.

Við þær kringumstæður er hætt við því að ýmis óheillaöfl munu reyna að ná völdum og áhrifum. Eins og gerðist sums staðar í löndum Austur-Evrópu þegar þjóðfélagskerfið hrundi.

Nú er Íslandið orðið Austur-Evrópuland.

 

Efnisyfirlit um veður

Hér er efnisyfirlit yfir helstu færslur um veður á þessari bloggsíðu. Með því að smella á viðkomandi línu komast menn beint inn á þá færslu. Þetta eru allar hinar meiriháttar færslur, til dæmis um hlýjustu og köldustu mánuði, mesta hita og kulda í þeim, veðurmet af ýmsu tagi á öllu landinu og í Reykjavík og þess háttar. 

Aðalheimildirnar fyrir færslunum um veðurlag mánaðanna eru þessar: Meteorologiske Arbog 1873-1919, 2. hluti, gefið út af dönsku veðurstofunni; Íslenzk veðurfarsbók 1920-1923, útgefandi Löggildingarstofan í Reykjavík; Veðráttan, mánaðarrit Veðurstofu Íslands, 1924-ágúst 2005; Veðurfarsyfirlit frá september 2005, gefið út af Veðurstofu Íslands; Þorvaldur Thoroddsen: Árferði á Íslandi í þúsund ár, gefið út í Kaupmannahöfn 1916-17; Trausti Jónsson: Veður á Íslandi í 100 ár, gefið út í Reykjavík 1993. Einstaka sinnum er stuðst við vefsíður Veðurstofunnar og stundum ýmsar óprentaðar upplýsingar frá Veðurstofunni. Meðalhitatölur fyrir veðurstöðvar sem koma fyrir eru oft ekki þær sem finna má í útgefnum ritum heldur þær sem endurskoðaðar hafa verið á Veðurstofunni. Þessara heimilda, er hér hafa verið taldar, er ekki getið sérstaklega við hverja færslu en aðrar heimildir sem notaðar eru nefndar þegar við á.  

Hér eru ekki talin með í efnisyfirlitinu ýmis skrif um veður frá degi til dags, en þeir sem nenna geta fundið þau með því að fletta síðunum og grúska í efnisflokkunum.

Veður í annálum og öðrum gömlum heimildum.

Veðurlag hvers mánaðar 

Hlýjustu og köldustu mánuðir á Íslandi -Skýringar. 

Hlýjustu janúarmánuðir. 

Hlýjustu janúardagar.

Frostaveturinn mikli 1918.

Köldustu janúarmánuðir. 

Kuldar í janúar.

Hlýjustu febrúarmánuðir. 

Köldustu febrúarmánuðir.

Mesti og minnsti hiti í febrúar.

Mest sólskin í febrúar.

Minnst sólskin í febrúar.

Hlýjustu marsmánuðir.

Köldustu marsmánuðir.

Mesti hiti í mars.

Sólríkustu marsmánuðir í Reykjavík

Sólríkustu marsmánuðir á Akureyri.

Sólarminnstu marsmánuðir.

Mesti kuldi í mars.  

Hlýjustu aprílmánuðir.

Köldustu aprílmánuðir.

Mesti og minnsti hiti í apríl.

Hlýjustu maímánuðir. 

Köldustu maímánuðir.

Hitabylgjur í maí.

Hret og kuldaköst í maí.

Sólríkir maímánuðir.  

Sólarsnauðir maímánuðir.

Hlýjustu júnímánuðir.

Hitabylgjur í júní.

Sólríkustu júnímánuðir.

Sólarminstu júnímanuðir.

Köldustu júnímánuðir.

Hret og snjóar í júní.

Hlýjustu júlímánuðir.

Hlýjustu júlímánuðir í Reykjavík.

Köldustu júlímánuðir.

Kuldar og hret í júlí.

Sólríkustu júlímánuðir.

Sólarminnstu júlímánuðir.

Hlýjustu ágústmánuðir  

Köldustu ágústmánuðir

Sólríkustu ágústmánuðir.  

Sólarminnstu ágústmánuðir.

Hitabylgjur í júlí og ágúst.

Hret og snjóar í ágúst. 

Köldustu septembermánuðir

Hlýjustu septembermánuðir.

Mesti hiti í september.

Kuldar og snjóar í september.

Sólríkustu septembermánuðir.

Sólarminnstu septembermánuðir.

Septembersnjór á suðurlandi.

Hlýjustu októbermánuðir. 

Köldustu októbermánuðir.

Hlýjustu og köldustu dagar í október.

Sólríkustu októbermánuðir.

Minnst sól í október.  

Hlýjustu nóvembermánuðir.

Köldustu nóvembermánuðir.

Hlýjustu og köldustu dagar í nóvember.

Hlýjustu desembermánuðir

Köldustu desembermánuðir. 

Hlýjustu og köldustu dagar í desember.

Sólríkustu skammdegismánuðir.

Sólarlítið skammdegi.

Veðurmet og fleira yfir allt landið 

Íslandsmetin í veðrinu.

Hámarks-og lágmarkshiti hvers mánaðar á landinu.

Veðurmet hvers mánaðar á íslenskum veðurstöðvum.

Sólskin á Íslandi 

Sólrík sumur og sólarsnauð

Jóla og áramótaveðrið aftur í tímann.

Veðrið á sumardaginn fyrsta.

Páskaveðrið frá Skaftáreldum.

Hvítasunnuveðrið.

Veðrið á hádegisdegi verkalýðsins.

Illviðri.

Tíu köldustu dagar á landinu í heild frá 1949.

Hámarkshiti á landinu um verslunarmannahelgina frá 1949 og veðrið í Reykjavík.

Veðurfar í Reykjavík 

Veðurmet í Reykjavík.

Hámarks-og lágmarkshiti hvers mánaðar í Reykjavík frá 1871.

Sólarstundir í Reykjavík frá 1911.

Úrkoma í Reykjavík.

Snjóalög í Reykjavík.

Fyrstu og síðustu frost og snjóar í Reykjavík.

Þíðukaflar í Reykjavík að vetrarlagi.

Glæsileg hitamet í Reykjavík og víðar.

Þriðji sólríkasti júní í Reykjavík

Hlýjustu júlímánuðir í Reykjavík.

Aðfangadagshitamet bæði í Reykjavík og á öllu landinu.

Hitametið í Reykjavík 14. maí 1960.

Einhver allra hlýjasti september í Reykjavík.

11. september.

Votviðrasamur september á suður-og vesturlandi.

Ýmislegt

Mesti og minnsti hiti á Akureyri frá 1882, sólskinsstundir og úrkoma.

Mannaskaðaveðrið mikla á Vestfjörðum 4. febrúar 1968.

Metúrkoma í Stykkishólmi.

Tvö október sólarhringsmet fallin.

Þurrasti janúar í sögu mælinga fyrir norðan.

Geir Jón er reiður

Í hádegisfréttum RUV var Geir Jón Þórisson yfirlögregluþjónn í ham og var reiður. 

Hann neitaði, þvert ofan í vitnisburð margra sjónarvotta, að lögreglan hefði nokkru sinni beitt mótmælendur ofbeldi. (Blaðamannafélagið segir t.d. að svo virðist sem lögreglan hafi vísvitandi beint piparúða að blaðaljósmyndara).

Hann sagði beinum orðum að þjóðin væri að ráðast gegn lögreglunni og hún yrði því að verja sig. 

Geir Jón var ofsafullur í röddinni og öllum málflutningi.

Þetta veit á illt. 

Lögreglan virðist líta á þjóðina sem óvin sinn.

 

Mótmæli og óeirðir

Það viðist vera nokkuð samdóma álit flestra í þjóðfélaginu, fjölmiðlamanna, stjórnmálamanna og fræðimanna um þjóðfélagsmál, að ógleymdum bloggurum, að mótmælin sem farið hafa fram undanfarið njóti víðtæks stuðnings í samfélaginu af fólki af öllum aldri og úr öllum flokkum. 

Meginkrafan er að stjórnin fari frá og efnt verði til kosninga. Skoðanakannanir benda til að sú krafa eigi mikinn stuðning.

Það hefur því litið upp á sig þegar einstaka bloggarar æpa um að skríllinn vaði uppi. Heldur ekki að segja að mótmælendur séu aðeins 1% þjóðarinnar. Vegna þess að  það er svo margt sem bendir til þess að á bak við hvern mann sem fer út á strætin séu margir tugir sem eru þeim sammála í meginatriðum.

Hins vegar segir það sig sjálft að þegar heil þjóð er komin á suðupunktinn og mótmælir dag eftir dag á götum úti og lögreglan grípur til aðgerða sem sjónarvottar, ekki einn, heldur margir, lýsa sem að mestu leyti tilefnislausum, og forsætisráðherra gefur þjóðinni svo að segja löngutöng æ ofan í æ, megi búast við að í mótmælahafinu gerist líka ýmislegt sem ekki er til fyrirmyndar. Ekki þarf annað en að drukknir unglingar í mótþróaham flækist inn í mótmælin til að reyna að efna til óspekta.   Hversdagsleg skynsemi og reynsla af mannlegu lífi segir að ekki megi aðeins búast við slíku heldur muni það  einmitt gerast. Og ætti þess vegna ekki að koma neinum á óvart.

Að nota slíkt hins vegar til að fordæma öll mótmælin og mótmælendur  sem heild sýnir fyrst og fremst grunnhyggni en í öðru lagi andlegan óheiðarleika.

Mótmælin hafa sannarlega haft áhrif.

Almælt er að stjórnarslit séu í vændum. Meira að segja varaformaður Sjálfstæðisflokksins segir að kosningar verði á árinu.

Halda menn að sú staða væri uppi ef engin hefðu verið götumótmælin?

Mótmælin hafa haft áhrif af því að flestir skynja að þau eiga hljómgrunn í þjóðardjúpinu.

 

Mótmælahlé

Nú ættu mótmælendur að fara að dæmi hans Mala og svífa inn í draumalandið. 

Forsætisráðherra stefnir að blóðbaði

Forsætisráðherra er EKKI á kosningabuxunum. Hann er að stefna þjóðinni í glötun. Hann ætlar svo ekkert í alvöru að gera til að sefa réttmæta reiði almennings. Afleiðingin verður sú að  ráðherrann  fær hann allan upp á móti sér nema nokkra rótgróna Sjálfstæðismenn. Það sem hann mun svo gera á endanum er að beita gríðarlegu lögregluofbeldi. Til þess var hann að tala við lögregluna í morgun.

Afneitun ráðherrans í þessu viðtali er blátt áfram óhugnanleg. Hann er bara ekki í sambandi.

Hann er að stefna beina leið til blóðsúthellinga. 

Vonandi fer samt ekki fyrir forsætisráðherranum eins og Ceausescu einræðisherra Rúmeníu sem hélt áfram að blaðra án nokkurra tenglsa við raunveruleikann þar til afstökusveitin þaggaði niður í honum.